50 bangkay narekober sa Marawi City

Nasa mahigit limampung (50) bangkay ang narekober ng retrieval team ng Lanao del Sur sa Marawi City.

Ayon kay Provincial Crisis Management Committee Spokesman Assemblyman Zia Alonto Adiong, ang naturang mga katawan ay mula sa mga napatay na sibilyan at Maute members na hindi pa natutukoy ang pagkakakilanlan.

Sinabi ni Adiong na ang mga narekober na katawan ay dadalhin sa Iligan City para sa processing ng PNP Crime Laboratory.

Kasabay nito, nanawagan si Adiong sa pamahalaan na magpadala ng mobile laboratory sa Marawi City upang mas mabilis aniya ang proseso sa pagtukoy ng mga marerekober nilang bangkay.

By  Ralph Obina

Comments

comments