Kumpiyansa ang Philippine Navy na lalo pang mapaiigting ang matatag na relasyon sa pagitan ng Pilipinas at Russia.
Ito’y makaraang dumaong sa look ng Maynila ang 5 mga sasakyang pandigma ng Russian Pacific Fleet para sa isang port call o replenishment of supplies at pahinga ng mga sakay nito.
Bahagi ng Russian Navy Fleet Contingent ay ang Corvette Gremyashchiy, 2 submarine, tanker Pechenga at support vessel na Alatau.
Ayon kay Philippine Navy spokesperson Commander Benjo Negranza, ang mainit na pagtanggap ng mga Pilipino sa Russian Contingent ay patunay lang ng pagtataguyod ng Kapayapaan, Katatagan at pagtutulungan sa rehiyon. —sa ulat ni Jaymark Dagala (Patrol 9)
