Sugatan matapos araruhin ng dump truck ang limang miyembro ng isang pamilya sakay ng isang tricycle sa National Highway sa Calaca, Batangas.
Sa imbestigasyon ng mga otoridad, nawalan ng kontrol sa manibela ang driver ng dump truck na kinilalang si Darwen Gerela, 24-anyos dahilan para masalpok nito ang tricycle na sinasakyan ng mga biktima.
Agad na isinugod ang mga sugatang biktima sa hospital ng Calaca na ngayon nagpapagaling na.
Hawak na ngayon ng mga otoridad ang suspek na si Darwen at nahaharap sa patung-patong na kaso. —sa panulat ni Angelica Doctolero
