Inihayag ng OCTA Research Team na walang naitalang bagong kaso ng covid-19 sa limang lungsod sa Metro Manila kabilang na dito ang Malabon, muntinlupa, Navotas, Pasig at Valenzuela City.
Ayon kay OCTA Fellow Dr. Guido David, nakapagtala ang Pasay City ng pinakamaraming bagong kaso ng sakit na may dalawamput apat, sinundan naman ng Taguig City na may sampung kaso.
Siyam naman ang naitalang bagong kaso sa Maynila, pito sa Quezon City, anim sa Caloocan City, apat sa Makati City, tatlo sa Parañaque, at dalawa sa Las Piñas City habang tig-isang kaso naman ng covid-19 ang Mandaluyong, Marikina, San Juan at Pateros. —sa panulat ni Angelica Doctolero
