Patay ang lima katao habang sugatan ang siyam na iba pa sa nangyaring vehicular accident sa Jala Jala, Rizal.
Ayon kay Senior Inspector Amadeo Estrella ng Jala Jala PNP, pabalik na ang jeep sakay ang mga pasahero mula sa Tanay nang bigla itong umovertake sa kasunod na kotse.
Napasobra ang bilis ng jeep habang tinatahak ang kurbadong bahagi ng kalsada kaya tumama ito sa isang puno sa gilid.
Kinailangan pang tanggalin ang bubong ng jeep para maalis sa pagkakaipit ang ilang pasahero habang patay naman sa aksidente ang driver ng jeep at asawa nito.
Nasawi naman sa ospital ang mag – iinang sina Winnie Rodriguez at dalawang anak nito habang inoobeserbahan pa ang ama ng pamilya na si Michael na mayroong tama sa ulo at mga bali sa katawan.
