Nabigyan na ng tulong pinansyal ang limang empleyado ng Chuzon Supermarket sa Porac, Pampanga na nasaktan sa pagguho nito sa magnitude 6.1 na lindol nitong nakalipas na April 22.
Ipinabatid ni Labor Secretary Silvestre Bello III na P10,000 cash assistance at grocery items ang ibinigay ng Employees Compensation Commission (ECC) sa bawat sugatang empleyado ng Chuzon Supermarket.
Sinabi ni Bello na ang nasabing cash assistance ay bahagi ng quick response program ng ECC na layong bigyan ng agarang ayuda ang mga manggagawang may work related contingencies.
Sa limang manggagawang nasugatan sa pagguho dalawa ang naputulan ng paa at iba naman ay nagtamo ng multiple fractures.
