Nagpositibo sa COVID-19 ang limang bilanggo sa station 2 ng Cebu City Police Office.
Ayon kay Councilor Joel Garganera, pinuno ng Cebu City Emergency Operation Center, pawang asymptomatic ang lima at ngayon nananatili sa loob ng kanilang detention cell.
Sa oras aniya na makitaan ng sintomas ang mga ito ay agad silang ililipat ng isolation facility sa siyudad.
Nasa kabuuang 14 ang bilang ng mga bilanggo na nasa kustodiya ng ccpo na nagpositibo sa nakahahawang sakit.