Arestado ang lima (5) katao na kinabibilangan ng isang Chinese national dahil sa tangkang pangingidnap at panunuhol ng mga pulis sa Makati City.
Nagpapatrolya umano ang mga kagawad ng Makati Police sa Kalayaan Avenue sa Barangay Poblacion nang mamataan nilang kinakaladkad ng mga suspek pasakay ng kotse ang isa ring Chinese national na plano nilang biktimahin.
Ayon sa Makati Police, tinangka rin silang suhulan ng P1,000 ng Chinese national na suspek upang huwag silang arestuhin.
Kinilala ang suspek na Chinese national na si Chaochun Chen samantalang ang mga kasama nitong Pinoy ay sina Mark Anthony Parenio, John Muega, Reyan Villanueva at Jose Marie Lavilla.
