Patay ang 45 katao sa isinagawang airstrikes ng Russia sa lugar ng mga rebelde sa bansang Syria.
Ayon sa ulat ng Syrian Observatory for Human Rights, binomba ng mga Russian warplanes ang Jabal Al-Akrad Region ng Latakia Province.
Kasama ring namatay sa bakbakan ang commander ng Western-backed free Syrian army brigade at ang pamilya nito.
Paliwanag naman ng Russia target nila ang lugar ng mga Islamic State militants sa Latakia.
Ang lugar ay kontrolado ng nasabing mga militanteng grupo noon pang 2012 at ilang sibilyan na rin ang napatay ng mga militanteng grupo.
By Mariboy Ysibido
