Inilabas ng Social Weather Stations (SWS) ang pinakabagong Senatorial Candidate Survey kung saan, pasok sa “Magic 12” ang ilang personalidad at incumbent senators.
Kabilang dito ang broadcast journalist na si Raffy Tulfo na nakakuha ng 57% at nangunguna sa pinakamataas na rate sa survey.
Sinundan ito nina Sorsogon Governor Chiz Escudero, House Deputy Speaker Loren Legarda at dating Public Works And Highways Chief Mark Villar na pare-parehong nakakuha ng 41%.
Pasok din sa “Magic 12” si Taguig Representative Alan Peter Cayetano na may 38% na nasa ika-limang puwesto at Senate Majority Leader Juan Miguel Zubiri na may 34% at nasa ika-anim na puwesto.
Hindi din nagpahuli sa survey sina dating Senator Jinggoy Estrada na may 29%, Senator Kiko Pangilinan na may 28%, Willie Revillame at Senator Risa Hontiveros na may 25%, Senator Sherwin Gatchalian at Senator Richard Gordon na nakakuha naman ng 21%.—sa panulat ni Angelica Doctolero
