Sumampa na sa apatnapu’t dalawa (42) ang nasawi sa malakas na pag-ulan sa West Uttar Pradesh at Rajasthan States, India.
Karamihan sa mga biktima ay nasawi dahil sa pagguho ng isang gusali at ilang kabahayan habang nasa dalawandaan (200) ang nasugatan makaraang magbagsakan ang nasa animnaraang (600) poste ng kuryente bunsod ng napakalakas na hangin.
Ayon sa mga awtoridad, bahagya ring nawasak ang minaret ng Taj Mahal sa Agra at dose-dosenang baka ang nangamatay matapos malunod sa baha.
Tumagal lamang ng apat na oras ang malakas na ulan na sinabayan ng hailstorm.
Aminado ang gobyerno na kanilang ikinagulat ang biglang buhos ng ulan sa kalagitnaan ng mainit na panahon na nataon pang anihan kaya’t ekta-ektaryang taniman ang mga nasira.
—-