Nakauwi na sa Pilipinas ang mahigit 400 distressed Overseas Filipinos mula Macau, Thailand at Vietnam.
Ayon sa Department of Foreign Affairs (DFA), 203 Pinoy ang nagmula sa Macau, 53 mula sa Thailand at 142 mula sa Vietnam.
Dahil dito, umabot na sa 5,781 ang kabuuang bilang ng mga Pilipino na napauwi sa pamamagitan ng government-initiated flights mula macau mula noong 2020.
Umabot naman sa 808 ang kabuuang bilang ng mga na-repatriate mula sa Thailand at hindi pa malinaw sa ngayon ang bilang ng mga napauwing Pilipino mula sa Vietnam.
