Patay ang apat na taong gulang na lalaki matapos abusuhin ng kaniyang madrasta sa Bamban, Tarlac.
Kinilala ang biktima na si Jericho Galang na minaltrato ng kaniyang madrasta habang nasa Maynila ang kaniyang ama.
Sa pahayag ng tiyahin ng biktima, nakapagsumbong pa ito sakaniya na sinusuntok, pinapakain ng sili, at tinutusuk-tusok sa tiyan si baby Jericho ng kaniyang madrasta.
Bukod pa dito, tinali din umano ng madrasta ang maselang bahagi ng katawan ng bata at inuuntog ang ulo nito sa pader kung saan, nakita sa death certificate na nagtamo ng septic shock at multiple abrasion sa katawan si Jericho.
Sa ngayon, patuloy pang iniimbestigahan ng mga otoridad ang insidente habang hinihintay pa ang resulta ng medico-legal ng labi ng bata para sa pagsasampa ng kaukulang kaso laban sa suspek. —sa panulat ni Hannah Oledan