Nasawi ang apat na sundalo sa naganap na engkwentro ng militar at New People’s Army sa bayan ng Kasibu , Nueva Vizcaya kahapon.
Kinilala ng otoridad ang mga nasawi na sina Staff Sergeant Dexter John Tagacay, Corporal Jayson Sabado, Corporal Rusty Galan at Private First Class Abraham Lindo
Ayon kay Tuguegarao Police Senior Inspector Norly Gamal, hepe ng PNP Kasibu Gamal, nagsimulang magpaputok ang mga rebelde habang nagpapatuloy ang isinasagawang follow up combat operations ng 703rd infantry brigade laban sa grupo ng NPA.
Samantala , sugatan naman sa nangyaring engkwentro si Corporal Jerby Soriano na dinala na sa pagamutan upang lapatan ng lunas.
Sa ngayon , sinabi Police Senior Superintendent Leumar Abugan, director of Nueva Vizcaya Police na nakataas na ang seguridad sa lalawigan hinggil sa nangyaring sagupaan ng tropa ng pamahalaan at rebeldeng grupo.
By: Arianne Palma
SMW: RPE
