4 na Maranao pinigilang makalabas ng bansa

Pinigil na makalabas ng bansa ang apat (4) na hindi pinangalanang Maranao na patungo sanang Pakistan kahapon.

Halos kasabay ito ng mga pinigil namang pitong (7) pasaherong may apelyidong Maute.

Batay sa ulat, unang nagpanggap ang apat bilang mga turistang patungong Kuala Lumpur Malaysia, pero nang sumailalim sa secondary inspection ng Bureau of Immigration ay nadiskubre ang hawak nilang Pakistani visa.

Wala ring naipakitang round trip ticket patungong Pakistan at pabalik ng Pilipinas ang mga nasabing Maranao.

Dahil dito, nagdesisyon ang Bureau of Immigration o BI na huwag paalisin ang apat (4) na nasabing mga Maranao.

Gayunman, sinabi ni Immigration Port Operations Division Chief Red Mariñas, oras na makapagpakita ng patunay ang mga nasabing Maranao na magtutungo sila ng Pakistan bilang turista ay papayagan na rin silang makaalis.

By Krista de Dios
Story and Photo from: Raoul Esperas (Patrol 45)

Comments

comments