Apat na highly-urbanized cities ang nakapagtala ng ‘very high’ COVID-19 positivity rate.
Batay sa datos ng OCTA Research Group, ang Puerto Princesa City ang may pinakamataas na positivity rate na 39 percent, sinundan ng General Santos City na may 33 percent, at Iligan at Naga na may 21 percent.
Ang positivity rate ay tumutukoy sa antas ng mga indibidwal na nagpopositibo sa COVID-19 matapos masuri.
Nasa high category naman ang positivity rate sa Ormoc, Iloilo City , Cagayan De Oro, Cotabato City at Zamboanga City.
Samantala, nasa moderate risk sa COVID-19 transmission ang Baguio City, Cagayan De Oro, Davao, General Santos, Iligan, Iloilo, Naga, Puerto Princesa, at Zamboanga City.
Habang ang nalalabing highly-urbanized cities ay nasa low o very low risk classification.
