Apat (4) katao ang nawawala habang apat ang lubhang nasugatan matapos ang isang pagsabog sa isang pagawaan ng paputok malapit sa Zaragosa, northeastern Spain.
Sinabi ng tagapagsalita ng Aragonese Emergency Services, na hindi pa alam ang dahilan ng malakas na pagsabog sa factory na malapit sa paliparan kung saan narinig rin sa malaking bahagi ng lungsod.
Sa larawan na ipinakita sa mga telebisyon at twitter, makapal na usok ang nagmumula sa nabanggit na factory.
Ayon naman sa state television na RTVE, hindi makapasok ang mga emergency services dahil patuloy pa rin ang pagsabog sa lugar.
By Mariboy Ysibido