Binihag ng hindi pa natutukoy na armadong mga lalaki ang dalawang American at dalawang Canadians sa Kaduna Nigeria.
Habang dalawang police escort ng mga ito ang napatay.
Ayon sa ulat ng Nigerian Police, patungong Abuja ang apat na dayuhan galing sa Kafanchan nang tambangan ang mga sinasakyan ng mga ito.
Kapwa nabatid na ng embahada ng Estados Unidos at Canada sa Nigeria ang pangyayari subali’t tumanggi ang mga itong magkomento.
Samantala, patay naman ang 12 katao habang 48 ang sugatan sa pag-atake hinihinalang mga suicide bombers ng Boko Haram sa Maiduguri sa Nigeria.
Ayon sa State Emergency Management Agency for Borno, nangyari ang pag-atake ng dalawang bombers sa isang palengke sa Muna Garage.
Sinasabing mas pinaigting pa ng Nigeria Military ang kanilang opensiba laban sa Boko Haram subali’t hindi pa rin nito napipigil ang mga pag-atake ng grupo.
—-
