Nasakote ng mga elemento ng Southern Police District (SPD) ang apat na drug suspects sa ikinasang Oplan Galugad sa Sultan Kudarat St., Brgy. Maharlika Village, Taguig City.
Kinilala ni SPD Acting District Director Police Col. Kirby John Kraft ang mga suspek na sina Guiamarudin Balimbingan, Rene Clave, Mary Dawn Arabis at Norjana Salik.
Sa nasabing anti-criminality operation, nasabat mula sa apat ang 12.9 gramo ng hinihinalang shabu na tinatayang nagkakahalaga ng P87,720.
Mahaharap ang mga suspek sa reklamong paglabag sa Comprehensive Dangerous Drugs Act.
