Umarangkada na ang nasa 32 newly-overhauled light rail vehicles sa linya ng MRT-3.
Ito ay matapos makapasa sa quality at speed tests ang naturang mga bagon na may layuning masiguro ang kaligtasan at magandang serbisyo nito sa mga pasahero.
Sa ngayon nananatili pa ring nasa 30% o katumbas ng 124 na pasahero kada bagon o 372 pasahero kada train set.
Samantala, naikabit narin ng mga tauhan ng MRT-3 ang nasa 573 piraso na mga bagong Fiber-Reinforced Foamed Urethane (FFU) sleepers sa depot tracks na ginagamit naman upang masuportahan at mapatatag ang mga tren.—sa panulat ni Angelica Doctolero
