Patay ang tinatayang 30 militanteng Taliban sa madugong bakbakan sa Helmand Province sa Afghanistan.
Ayon kay Police Spokesman Shah Mohammad Ashna, bukod sa mga nasawing rebelde ay 15 iba pa ang nasugatan.
Sinasabing naglunsad ng malawakang opensiba ang mga rebeldeng Taliban sa ilang security checkpoints na naging dahilan upang magkaroon ng engkwentro.
Wala naman iniulat na nasawi o nasugatan sa panig ng militar.
By Jelbert Perdez
