Nasawi ang 30 katao habang sugatan naman ang maraming iba matapos ang gulong sumiklab sa pagitan ng mga komunidad sa remote Trobriand Islands sa Papua New Guinea.
Ayon kay Provincial Police Commander Peter Barkie, noon pang pagsisimula ng 2022 sumiklab ang gulo sa pagitan ng dalawang local football teams.
Hindi na umano nakontrol ang gulo na humantong sa pagkasawi ng ilan.
Sa ngayon, nagdagdag na ng pwersa ng militar sa Trobriand Islands para magbantay sa mga komunidad.
