Ipinasasara ng National Telecommunications Commission (NTC) Region 11 ang nasa tatlongpung (30) istasyon ng radyo sa rehiyon ng Davao.
Ayon kay NTC Regional Director Nelson Canete, kanilang nakitaan ng paglabag sa legalidad at teknikal na aspeto ang nasabing tatlongpung radio station sa Davao Region.
Kabilang sa mga pinatawan ng cease and desist order ang sampung (10) istasyon ng radyo mula sa Davao del Sur, lima (5) sa Davao del Norte at labing lima (15) mula sa Davao Oriental at Compostela Valley.
Nauna nang ipinasara ng NTC – Region 11 ang apat (4) na local radio stations sa Digos City, Bansalan Davao del Sur at Lupon Davao Oriental.
