(Updated)
Natagpuan nang patay ang tatlo kataong una nang napaulat na nawawala sa sunog sa Blumentritt Road sa Maynila.
Ayon sa Bureau of Fire Protection, magkatabi ang mga labi nina Zardy Luna at Angelito Jumares nang matagpuan nila sa nasunog na gusali sa Sta. Cruz, Maynila.
Sa kalapit na lugar naman natagpuan ang labi ni Dennis Magdaet.
Ang mga biktima ay pawang empleyado ng Charipp Trading na nagbebenta ng mga linoleum, school supplies at kurtina.
Lumalabas sa paunang imbestigasyon ng BFP na nagising ang mga biktima pasado alas-3:00 ng madaling araw at nakababa pa sa ground floor mula sa third floor.
Gayunman, hindi na nakalabas ang mga nasabing empleyado dahil bumagsak na ang mezzanine nang tangkain nilang dumaan sa isang maliit na bintana papalabas ng gusali.
Iniimbestigahan na ng mga awtoridad ang pinagmulan ng nasabing sunog.
TINGNAN:
Naganap na sunog sa bahagi ng Blumentritt, Brgy. 365, Sta. Cruz, Maynila | via @gilbertperdez pic.twitter.com/iaRdEbJtSY— DWIZ Newscenter (@dwiz882) April 26, 2018
Ulat ni Gilbert Perdez)
