Arestado ng mga tauhan ng Philippine National Police – Criminal Investigation and Detection Group (PNP-CIDG) ang ilang nagpakilala umanong miyembro ng progresibong grupong Anakpawis.
Ito’y kasunod ng ikinasang manhunt operation ng pulisya sa bahagi ng Raja Muda, Purok Bagong Silang, Barangay EJC Montilla sa Tacurong City, Sultan Kudarat.
Kinilala ng CIDG ang mga naaresto na sina Jessie Caburubias, Edwin Lapera at Fred Lampiernes Sr. na sinasabing kabilang sa iba’t ibang criminal group sa lugar
Sinasabing miyembro ng Berbanio group si Cabarubias na sangkot sa gunrunning activities sa Sultan Kudarat habang si Lapera naman ay sinasabing pinuno ng fabra group na sangkot umano sa gun – for – hire activities.
Nakuha naman mula kay Lampiernes ang isang M84 hand granade.
Inaresto ang mga nabanggit sa bisa ng warrant of arrest na inilabas ng Tacurong City Regional Trial Court dahil sa iba’t ibang kaso kaya’t sila’y dinala na ng mga awtoridad sa court of origin para umusad na ang asunto laban sa kanila.