Tatlo pang miyembro ng New People’s Army (NPA) ang sumuko, kabilang ang isang babeng medic, sa Lebak, Sultan Kudarat.
Kinilala ni Major General Roy Galido, commander ng Joint Task Force Central ang mga sumuko na sina alyas Lyn o Ren, Platoon Medic; alyas Dok; at alyas CJ, political guide.
Sinasabing sila ay bahagi ng Sub-Regional Committee Daguma, Far South Mindanao Region ng NPA.
Maliban dito, ibinaba rin ng mga dating rebelde ang kanilang M16 rifles.
Nabatid na sumuko ang tatlo dahil sa hirap na kanilang dinanas at sunod-sunod na engkwentro na nagresulta sa pagkasawi ng ilang lider ng grupo.
Sumasailalim sila ngayon sa custodial debriefing at pagproseso para maisama sila sa Enhanced Comprehensive Local Integration Program (ECLIP) ng gobyerno.
