Siniguro ng kampo ni Vice President Jejomar Binay ang kanilang suporta kay Vice President-elect Leni Robredo.
Batay sa report, kasama sa kanilang pagpapakita ng suporta sa susunod na bise presidente ay ang patuloy na pagliligpit sa Coconut Palace at ang pagbuo ng transition team.
Inaasahang mabibigyang linaw sa pagpupulong ng transition team ang pondo ng Office of the Vice President.
Mayroong nakalaan na P500 milyong pisong budget ang OVP ngayong taon at P78 milyong piso na ang nabawas dito para sa gastusin hanggang Mayo, kasama na ang 500,000 buwanang renta sa Coconut Palace.
By Katrina Valle
