Nasa tatlong makakaliwang gabinete na ang bola kung paano makumbinsi si Pangulong Rodrigo Duterte na muling buksan ang peace talks sa kilusang komunista.
Sinabi sa DWIZ ni Labor Secretary at Chief Peace Negotiator Silvestre Bello III na umaasa siyang mahikayat ng tatlong gabinete ang Pangulo at mabigyang katwiran ang ginagawang pananambang ng New People’s Army sa mga sundalo.
Bukas aniya ay sisikapin nina Agrarian Reform Secretary Rafael Mariano, DSWD Secretary Judy Taguiwalo at National Anti-Poverty Commission Chairman Liza Maza na mapapayag si Pangulong Duterte para bumalik sa negotiating table.
Pakingan: Bahagi ng Pahayag ni Sec. Bello III
Sinabi ni Bello na hindi lamang ang tatlong gabinete ang humihiling na muling buksan ang peace talks kundi ang mga mambabatas na naghahangad ng kapayapaan sa bansa.
By: Aileen Taliping
