May nasisinag na pag-asang muling buksan ni Pangulong Rodrigo Duterte ang peace talks sa kilusang komunista.
Sinabi sa DWIZ ni Labor Secretary at Chief Negotiator Silvestre Bello III na lumalakas ang mga panawagang muling buksan ang peace talks at posibleng ikunsidera ito ng Pangulo.
Ang hindi lang gusto ng Pangulo ay ang serye ng ambush ng New People’s Army sa mga sundalo kayat pinag-aaralan kung pagbibigyan ang hirit ni Jose Maria Sison.
Pakingan: Bahagi ng Pahayag ni Sec. Bello III
Kasabay nito kinumpirma ng kalihim ang nakatakdang pulong bukas ng Pangulo sa tatlong makakaliwang miyembro ng gabinete na sina NAPC Chairman Liza Maza, Agrarian Reform Secretary Rafael Mariano at DSWD Secretary Judy Taguiwalo kung saan magiging sentro ng usapan ang peace talks.
By: Aileen Taliping
