Dalawampu’t tatlong mga alkalde mula sa iba’t ibang mga bayan at lungsod sa bansa ang tinanggalan na ng NAPOLCOM o National Police Commission ng kontrol sa pulisya dahil sa pagkakasangkot sa iligal na droga.
Batay sa resolusyon ng NAPOLCOM na pirmado ni DILG Offcier In Charge Undersecretary Catalino Cuy, bukod sa naunang limang alkalde mula sa CALABARZON inalisan na rin ng police powers sina Sinacaban, Misamis Oriental Mayor Crisinciano Mahilac; Lopez Jaena, Misamis Occidental Mayor Michael Gutierrez; Sapang Dalaga, Misamis Occidental Mayor Donjie Animas; Oroquieta City, Misamis Occidental Mayor Jason Almonte; Concepcion, Misamis Occidental Mayor Juanidy Viña; Calamba, Misamis Occidental Mayor Ezel Villanueva; Pasuquin, Ilocos Norte Mayor Ferdinand Aguinaldo.
Gayundin sina Concepcion, Tarlac Mayor Andres Lacson; Angeles, Pampanga Mayor Edgardo Pamintuan; Subic, Zambales Mayor Jefferson Khonghun; Camiling, Tarlac Mayor Erlon Agustin; Ronda, Cebu Mayor Mariano Blanco; Santo Niño, South Cotabato Mayor Pablo Matinong Jr; Libungan, North Cotabato Mayor Christopher Cuan; Banga, South Cotabato Mayor Albert Palencia; Midsalip, Zamboanga del Sur Mayor Leonida Angcap; El nido, Palawan Mayor Niever Cabunalda-Rosento; at Bataraza, Palawan Mayor Abraham Ibba
Habang inalisan din ng kontrol sa pulisya si Zamboanga del Sur Governor Antonio Cerilles dahil sa pag abuso umano sa kapangyarihan.
Ayon sa NAPOLCOM, nakuha nila ang mga impormasyon laban sa mga alakalde at gobernador mula sa ibat ibang intelligence agencies.
