Nananatili sa unang puwesto ang koponang Barangay Ginebra sa PBA Commissioner’s Cup.
Ito’y makaaang ilampaso ng Gin Kings ang koponang Mahindra Flood Buster kahapon sa iskor na 94-80.
Umangat sa nasabing laban sina Justine Brownlee na nakapagbuslo ng dalawampu’t dalawang (22) puntos, labing apat (14) naman kay Japeth Aguilar habang labing tatlong (13) puntos naman ang naibuslo ni Mark Cagiuoa.
Dahil dito, sunod na haharapin ng Gin Kings ang sinumang mananalo sa pagitan ng Alaska at GlobalPort na siyang makasusungkit ng ika-walong puwesto.
By Jaymark Dagala
Photo: PBA Media Bureau
Sagot na ba ang pagdedeklara ng Martial Law sa Mindanao para tuluyang matapos ang kaguluhan sa tinaguriang Lupang Pangako?
KBP’s Best Radio Documentary…Siyasat!
PAKINGGAN: Unang Bahagi ng SIYASAT
PAKINGGAN: Ikalawang Bahagi ng SIYASAT
Nanindigan ang Pangulong Rodrigo Duterte na hindi na tatanggap pa ng mga segundamanong military equipment ang Pilipinas mula sa Estados Unidos at maging sa iba pang bansa.
Ayon sa Pangulo, nais niyang mga brand new na military equipment ang magamit ng mga sundalo kahit pa aniya mapamahal ito sa pagbili.
Sinabi ng Pangulo, pagkukunan niya ng mga brand new firearms ang dalawang bansang hindi naman nito pinangalanan.
Ngunit matatandaang pinakamalapit ngayon ang Pilipinas sa mga bansang Russia at China.
Samantala, sa kabila ng pagtabla ni Pangulong Duterte ay nakatakdang i-turn over ng pamahalaan ng Amerika sa Philippine Marines ang ilang mga kagamitang pandigma.
Ito’y para makatulong sa kampaniya ng pamahalaan kontra terorismo sa harap na rin ng nangyayaring bakbakan ngayon sa Marawi City.
Kabilang sa mga ibibigay na kagamitan sa Marines ay ang tatlongdaang (300) M4 carbines, dalawandaang (200) glock 21 pistols, dalawampu’t limang (25) rubber boats, isandaang (100) M203 granade launchers, tatlumpung (30) outboard motors at apat (4) na M134d gatling-style machine guns.
Ayon kay Capt. Ryan Lacuesta, tagapagsalita ng Marines, malaki ang maitutulong ng mga bagong kagamitan para palakasin ang kanilang kakayahan na labanan ang terorismo.
By Ralph Obina / Jaymark Dagala
Mas hinigpitan pa ang seguridad na ipinatutupad ngayon sa Ninoy Aquino International Airport at Metro Rail Transit o MRT-3 bunsod ng nangyaring pag-atake sa Resorts World Manila.
Ayon kay MIAA o Manila International Airport Authority General Manager Ed Monreal, kasalukuyang naka-heightened alert na ang mga security personnel ng paliparan.
Humingi din ng paumanhin si Monreal sa mga biyahero kaugnay ng bahagyang pagkakaantala dahil sa inilalatag na seguridad sa NAIA.
Samantala, karagdagang security guards, sundalo at K-9 units naman ang idineploy sa MRT-3.
By Ralph Obina
Inamin ng Armed Forces of the Philippines o AFP na hindi nila maaabot ang itinakda nilang deadline sa pagtapos ng kaguluhan sa Marawi City.
Ayon kay AFP Spokesperson Restituto Padilla, ito ay dahil sa inoukupa pa rin ng Maute at Abu Sayyaf fighters ang ilang gusali sa lungsod at patuloy pa ring nanlalaban ang mga terorista sa pamamagitan ng mga nakaposisyon nilang sniper.
Sinabi ni Padilla na hindi matatawag na ligtas ang Marawi hanggat may kahit isang terorista ang matitira doon.
Matatandaang nagbigay ang militar ng kanilang deadline na tatapusin ang kaguluhan sa Marawi City hanggang ngayong weekend.
Batay sa tala ng AFP, nasa isandaan at dalawampung (120) terorista na ang kanilang napapatay sa nagpapatuloy na operasyon kontra Maute at Abu Sayyaf sa Marawi.
By Ralph Obina
Malamig si Pangulong Rodrigo Duterte sa alok ng National Democratic Front o NDF na pagtulong sa tropa ng pamahalaan na lansagin ang mga teroristang patuloy na nanggugulo ngayon sa Marawi City.
Ayon sa Pangulo, hindi siya kumbinsido sa naturang hakbang ng makakaliwang grupo.
Kasabay nito, pinaalalahan ng Pangulo si National Peace Adviser Jesus Dureza at GPH Chief Negotiator at Labor Secretary Silvestre Bello III na kailangan munang malagdaan ang tigil putukan sa pagitan ng pamahalaan at CPP-NPA-NDF bago bumalik muli sa negotiating table.
Matatandaang kinansela ng pamahalaan ang ika-limang round ng peace talks sa The Netherlands matapos paigtingin ng New People’s Army ang kanilang opensiba laban sa pamahalaan dahil sa idineklarang Martial Law ng Pangulong Duterte sa Mindanao.
Samantala, kumpiyansa si Pangulong Rodrigo Duterte na magtatagumpay ang pamahalaan sa laban nito kontra terorismo.
Gayunman, binigyang diin ng Pangulo na hindi magiging madali ang labang ito at asahan na aniya ang pagbubuwis ng buhay.
Ayon sa Pangulo, posibleng matagalan ngunit sa bandang huli aniya ay nakatitiyak siyang mananaig ang puwersa ng gobyerno laban sa mga terorista.
Maliban dito, hindi aniya maaaring maging basta-basta ang opensiba ng militar laban sa mga teroristang grupo dahil bilang isa sa mga lumagda sa Geneva Convention may responsibilidad ang pamahalaan ng Pilipinas na tiyaking walang sibilyan ang madadamay sa mga operasyon ng tropa ng gobyerno.
By Ralph Obina
Tiwala ang NEDA o National Economic Development Authority na walang negatibong epekto sa ekonomiya ng bansa ang nangyaring kaguluhan sa Resorts World Manila.
Ipinaliwanag ni Socio-Economic Planning Secretary at NEDA Director General Ernesto Pernia, isolated case lamang nangyaring pamamaril at pagnanakaw sa naturang casino hotel.
Kaugnay nito, positibo din si NEDA Undersecretary Adoracion Navarro na hindi mababago ng insidente ang economic fundamentals ng bansa.
By Ralph Obina
Muling magtatambal sa pelikula sina John Lloyd Cruz at Sarah Geronimo.
Masayang ikinuwento ni John Lloyd na maraming bago ang dapat abangan sa upcoming movie nila ni Sarah na pinamagatang ‘Dear Future Husband’.
Matatandaang naging blockbuster hits ang tatlong (3) pelikula na pinagtambalan ng dalawa mula sa A Very Special Love, You Changed My Life at It Takes a Man and a Woman.
Samantala, kasama si John Lloyd sa pilot week ng upcoming fantaserye ng ABS-CBN, ang La Luna Sangre na sequel ng Imortal na unang pinagbidahan nina John Lloyd at Angel Locsin.
By Meann Tanbio
Naki-usap ang mga Senador sa publiko na maging mahinahon sa lahat ng pagkakataon at huwag magpadaig sa takot.
Kasunod ito ng nangyaring pag-atake sa Resorts World Manila kahapon kung saan, nasa halos apatnapu na ang nasawi habang nasa pitumpu ang tinatayang sugatan.
Ayon kay Senador Riza Hontiveros, dapat magtuloy pa rin ang buhay sa kabila ng pangyayari at huwag magpadaig sa banta ng mga terorista.
Para kay Senador Richard Gordon, walang dapat ikabahala ang publiko dahil kontrolado naman ng pamahalaan ang sitwasyon.
Sa panig naman ni Senador Tito Sotto, itinuturing niyang isolated case lamang ang nangyaring pag-atake at wala itong kinalaman sa terorismo.
By: Jaymark Dagala