June 2026

Humirit ng permiso sa Sandiganbayan si Congressman Wes Gatchalian para makabiyahe sa labas ng bansa.

Sa kanyang urgent motion for permission to travel, hiniling ni Gatchalian na payagan syang makasama sa biyahe ng Pangulong Rodrigo Duterte mula Mayo 11 hanggang 15.

Nakapaloob sa mosyon ni Gatchalian na binigyan na siya ng authority to travel ng pamunuan ng kongreso.

Kabilang sa mga bansang bibisitahin ng Pangulo sa susunod na linggo ang Cambodia, Hongkong at China.

Isa lang si Congressman Wes Gatchalian sa mga kinasuhan sa Sandiganbayan dahil sa di umano’y kuwestyonableng pagbenta ng kanilang pamilya ng kanilang bangko sa Local Water Utility Administration nang walang pahintulot ang Bangko Sentral ng Pilipinas (BSP) at Department of Finance (DOF).

By Len Aguirre

Nagtalaga na si Pangulong Rodrigo Duterte ng kapalit ni dating Environment Secretary Gina Lopez.

Pinangalanan ni Pangulong Duterte si dating Armed Forces of the Philippines o AFP Chief of Staff Roy Cimatu bilang bagong kalihim ng Department of Environment and Natural Resources (DENR).

Si Cimatu ang kasalukuyang special envoy for Overseas Filipino Worker o OFW and refugees.

Magugunitang ibinasura ng Commission on Appointment (CA) ang ad interim appointment ni Lopez bilang DENR Secretary.

By Drew Nacino |With Report from Aileen Taliping

Hawak na ng Manila Police District o MPD ang isa sa mga suspects sa pagpapasabog sa Quiapo, Maynila noong Abril 28.

Iprinisinta sa publiko ni MPD Director, Chief Superintendent Joel Coronel ang suspect na si Abel Macaraya at naglabas na rin ng composite sketch ng iba pang suspect na kinilalang sina Ali Moro at Raymond Mendoza.

Sinabi ni Coronel na mayroon nang umiiral na operasyon upang matukoy ang pinagtataguan ng iba pang suspects.

Iginiit ni Coronel na ang pagpapasabog ay bahagi lamang ng lokal na problema sa peace and order sa Maynila at hindi kagagawan ng mga terorista.

Sa isinagawang press conference ay itinanggi ni Macaraya na miyembro sya ng ISIS.

Sa kabila ng pagkakahuli kay Macaraya, sinabi ni Coronel na bagamat solved na ang unang kaso ng pagpapasabog sa Quiapo, hindi pa nila ito isinasara.

Ilang kalye sa Quiapo binuksan na matapos ang naganap na kambal na pagsabog noong Sabado

Binuksan na sa trapiko at pedestrians ang Norzagaray at Elizando Streets sa Quiapo, Maynila kung saan naganap ang kambal na pagsabog na ikinasawi ng dalawa katao noong Sabado, Mayo 6.

Ayon kay Chief Supt. Joel Coronel, natapos na nila ang imbestigasyon sa pinangyarihan ng pagsabog.

Gayunman, mananatili anya ang check points sa iba’t ibang bahagi ng Quiapo at pinaigting rin ang presensya ng pulisya sa lugar.

“Binukas na po natin yung kalye doon ho sa Norzagaray sa vehicular traffic at pedestrian traffic ngunit nag iwan ho tayo ng check points hanggang ngayon, Dinagdagan ho natin ng police visibility patrol at magsasagawa pa rin tayo ng saturation drives o anti-criminality operations, tuloy-tuloy po yun at nakikipag-ugnayan rin kami sa mga community elders dito sa Quiapo district, san apo makipag-tulongan”, ani Coronel.

Samantala, sinabi ni coronel na isusulong nila ang pagrepaso sa sinusunod na protocol ng mga delivery service.

Matatandaan na grab delivery service ang ginamit para pumik-up ng bagahe na naglalaman ng bomba.

Nasawi rin sa pagsabog ang driver ng grab.

“Kaya ng apo makikipag-ugnayan din kami dito sa mga military services na para po ma-review at makonsulta, maisalin yung kanilang existing procedures, na manggagaling sa delivery dahil maaari pang mapadala through their services ang mga kontra pampasabog”, pahayag ni kay Chief Supt. Joel Coronel sa panayam ng DWIZ.

By Len Aguirre |With Report from Aya Yupangco

Tiyak na tatamaan ang mga mahihirap sa sandaling lumusot ang comprehensive tax reform package o CTRP na naglalayong tanggalin na ang tax exemption ng mga kooperatiba.

Ayon kay Coop-NATCCO (National Confederation of Cooperatives) Party-list Representative Anthony Bravo, mawawalan ng saysay ang mga kooperatiba kung lahat ng kanilang transaksyon ay kailangang patawan ng buwis.

Ipinaliwanag ni Bravo na hindi naman tax free ang mga kooperatiba dahil may kaakibat namang buwis ang mga transaksyon nila na lalampas ng sampung (10) milyong piso at mga transaksyon sa hindi miyembro ng isang kooperatiba.

Sa ilalim ng CTRP ng pamahalaan, tatanggalin na ang exemption ng mga kooperatiba sa value added tax.

“Ito pong labing apat (14) na milyon ay representative ng household, kung hindi po tatay ang miyembro, ang nanay. Pag-kinapos ho ang isang pamilya o household, wala pong pang tuition ang anak, walang pambayad sa boarding house, tumatakbo ho siya sa kooperatiba. Lalo na ho sa mga malalayong lugar, sa far flung areas, mga rural areas – na wala pang bangko, in fact kahit meron pang bangko, hindi maka-utang ang ating mga magsasaka at mga mangingisda”, pahayag ni Coop-NATCCO Party-list Representative Anthony Bravo sa panayam ng DWIZ.

By Len Aguirre