June 2026

Sumugod ang mga miyembro ng environmental group na Greenpeace sa tanggapan ng Department of Environment and Natural Resources o DENR sa Quezon City.

Ito’y bilang protesta sa pagbasura ng makapangyarihang Commission on Appointments kay Gina Lopez bilang DENR Secretary.

Ikinadena ng mga miyembro Greenpeace ang kanilang sarili at hinarangan gate ng DENR sa Visayas Avenue dala ang plakang nagsasabing “not open for business” ang kagawaran.

Ipinanawagan din ng mga environmentalist kay Pangulong Rodrigo Duterte na basagin na ang protocol at i-reappoint si Lopez.

Samantala, plano naman ng grupo na panatilihin ang blockade hanggang bukas at handa ring magtagal sa tapat ng gate ng DENR kung kailangan.

By Drew Nacino   

Photo Credit: @DENR_Official / Twitter 

Pinagtibay pa ng Pilipinas at China ang pagtutulungan upang masugpo ang iligal na sugal.

Bahagi ito ng kampanya ng China na mapigilan ang paglabas ng pera mula sa China at kampanya naman ng Pilipinas na walisin ang iligal na sugal sa Pilipinas lalo na sa online gambling.

Ayon kay Martini Cruz, hepe ng NBI o National Bureau of Investigation Cybercrime Division, naghahanda na sila para sa sunod-sunod na pagsalakay sa mga illegal online betting dito sa Pilipinas na ang target ay mga nagsusugal na Chinese.

Narito anya ngayon sa bansa ang isang team ng Chinese police para sa crackdown sa illegal gambling operators at mga takas na bilanggo sa China na dito nagtatago sa Pilipinas.

Sa naunang magkasanib na raid ng awtoridad ng Pilipinas at China nitong Abril, nakapagpasara umano sila ng mga illegal websites na nagpapatakbo ng pasugalan, nakapag-aresto ng syamnapu’t syam (99) katao at nakapagpa-ipit ng mahigit sa isang libong (1,000) bank accounts.

By  Len Aguirre   

Inamin ni PNP o Philippine National Police Chief Director General Ronald dela Rosa na nasingitan ang PNP sa sunod-sunod na pagpapasabog sa Quiapo, Maynila.

Ginawa ni Dela Rosa ang pag-amin makaraang ilawaran bilang failure of intelligence ni Senate President Koko Pimentel ang kambal na pagsabog sa Quiapo.

Ayon kay Dela Rosa, handa siyang humarap sa Senado upang ipaliwanag kung saan napupunta ang intelligence fund ng PNP.

“Medyo nagkulang tayo doon may sumabog pero atleast masasabi natin na hindi naman konektado sa terrorism yun dahil yung ating intelligence ay nakatutok sa terrorism, itong mga personal na away ay hindi natin natutukan. We can explain our side, kahit yung pondo, kung pondo ang pag-uusapan, talagang minalas lang talaga tayo doon.” Ani Dela Rosa 

Kasabay nito, aminado rin si Dela Rosa na mahirap magbigay ngayon ng katiyakan na ligtas sa kahit anong klase ng terorismo o panggugulo ang bansa.

Gayunman, isandaang (100) porsyento aniya niyang maipapangako sa taongbayan na ginagawa nila ang lahat ng kanilang magagawa upang mapanatiling ligtas at mapayapa ang bansa.

“Minsan kinukulang tayo but still we’re working, mahirap magbigay ng assurance na walang (panganib sa kaligtasan), hindi naman natin puwedeng mabantayan lahat ng corner, lahat ng tao, ang assurance lang na maibibigay ko sa taongbayan, the whole government for this matter is doing its best, hindi kami natutulog at talagang ginagampanan natin ang ating tungkulin.” Pahayag ni Dela Rosa

Full blast investigation

Full blast ang imbestigasyon ng Philippine National Police sa kambal na pagsabog sa Quiapo kung saan dalawa (2) katao ang nasawi.

Ayon kay PNP Chief Director General Ronald dela Rosa, nakatutok sila ngayon sa taong tumawag sa Grab upang ipa-pick up ang bagahe na bomba pala ang laman.

Sa paunang impormasyon, isang babae na nagngangalang Hannah ang di umano’y kumuha sa serbisyo ng Grab para i-pick up ang bagahe na naglalaman pala ng bomba.

Mas tuloy-tuloy na anya ang imbestigasyon ng PNP ngayong naisantabi na nila ang anggulong terorismo makaraang mapagtibay ang motibo na personal na away ang dahilan ng pagpapasabog.

Matatandaan na nasawi rin sa insidente ang driver ng Grab na pumik-up sa bagaheng naglalaman ng bomba.

“Itinawag ito sa Grab para i-pick up (mula sa isang branch ng mall), puwede nating masabi na inosente siya (Grab driver), hindi niya alam na bomba yung i-dineliver niya, pati siya namatay. Fina-follow up natin ngayon ang certain, Hannah, ang tumawag sa Grab express, na kasalukuyan pa nating nilo-locate. Baka ngayon ma-establish na natin ang exact findings ng ating investigation (kaugnay sa bombang ginamit).” Dagdag ni Dela Rosa

By  Len Aguirre | Ratsada Balita (Interview)