June 2026

Pinaalis ang lahat ng mga nakaparadang sasakyan sa kahabaan ng Padre Faura Street partikular sa tapat ng Department of Justice Building.

Alinsunod ito sa kautusan ni Justice Undersecretary Raymund Mecate sa mga security personnel at ISOG o Internal Security Operations Group ng DOJ bilang bahagi ng safety measure.

Maging ang mga sibilyan na nagtutungo sa DOJ na may OB sa DOJ ay dumadaan sa mas masusing proseso bago payagang makapasok sa DOJ Compound.

Kapansin-pansin din ang mga biglaang pagtatalaga ng mga  tauhan ng ISOG na nakaposisyon sa labas ng DOJ compound na armado ng matataas na kalibre ng armas na hindi naman pangkariwang ginagawa ng DOJ.

Nilinaw naman ng DOJ na ang naturang hakbang ay isang safety and security measure lamang at walang kinalaman sa nangyayaring kaguluhan sa Marawi City.

By: Meann Tanbio / Bert Mozo

Binihag ngayon ng Maute Group ang isang pari at ilang residente ng Marawi City.

Kinilala ang binihag na pari na si Father Teresito Suganog, Vicar General ng St. Mary’s Cathedral.

Ayon kay Marawi Bishop Edwin dela Peña, tinangay ng Maute ang naturang pari at ilang mga residente matapos na sunugin ang kanilang katedral.

Kasalukuyang hindi pa malinaw kung ilan ang kabuuang bihag ng Maute Group.

By  Ralph Obina | with report from Aya Yupangco (Patrol 5)  

*Photo via Raoul Esperas (Patrol 45) 

Kumbinsido si Senate Committee on Public Services Vice Chairman JV Ejercito na isa nang “malalang sakit” ang nararanasang sitwasyon sa Metro Rail Transit o MRT dahil sa halos walang tigil na aberya.

Ito, ayon kay Ejercito, ay makaraang umakyat na sa mga kasalukuyan at dating opisyal ng Department of Transportation o DOTr, MRT at mga maintenance provider nito ang problema na kapwa nagbabatuhan ng sisi.

“Kumbaga sa sakit parang cancer na ito, ang masakit doon  dahil doon sa mga personal, career business interest kaya nagkanito, nagkabuhol-buhol at nagkagulo-gulo ang sitwasyon ng MRT.” Ani Ejercito

Mayroon naman anyang solusyon upang matapos na ang aberya sa MRT na maaaring ipatupad.

“Ang pinaka-key nito para umayos ang takbo nito yung availability at suplay ng kuwerdas dapat laging andiyan, doon nagkukulang sa spare parts, kung sinong humawak na maintenance provider  nangangako pero yung spare parts nila nadadalang.” 

PAKINGGAN: Bahagi ng pahayag ni Senator JV Ejercito

By Drew Nacino | Karambola (Interview)   

Tinatayang dalawa punto limang (2.5) bilyong dolyar na halaga ng mga prutas at isda ang bibilhin ng Russia sa Pilipinas sa susunod na labindalawang (12) buwan.

Lalagdaan ang kasunduan sa pagitan nina Agriculture Secretary Manny Piñol at Russian Agriculture Minister Alexander Tchakyov sa gitna ng official visit ni Pangulong Rodrigo Duterte sa Moscow.

Ayon kay Piñol, bilang kapalit ay bubuksan ng Pilipinas ang pinto nito para sa mga farm machinery at karne mula Russia.

Isa ang Russia sa pinakamalaking producer ng karneng manok sa mundo at kabilang sa mga nangungunang exporter ng agricultural machineries.

By  Drew Nacino