Home Monthly Archives
Monthly Archives

June 2026

HEADLINES

Patay sa bakbakan ng militar at Maute sa Marawi sumampa na sa 20

written by DWIZ 882
Sumampa na sa dalawampu (20) ang patay sa bakbakan ng militar at grupong Maute sa Marawi City, Lanao del Sur.
Ayon kay Armed Forces of the Philippines o AFP Public Affairs Chief, Col. Edgard Arevalo, limang (5) sundalo at dalawang (2) police official na ang nalagas sa hanay ng gobyerno habang tatlumpu’t isa (31) ang nasugatan.
Labing-tatlo (13) naman ang namatay sa panig ng Maute pero dalawang (2) bangkay pa lamang ang narerekober ng militar.
Sa kabila nito wala pa anya silang bilang ng mga sibilyang namatay o nasugatan sa nagpapatuloy na bakbakan. Isang M16 rifle at mga bahagi ng improvised explosive device naman ang narekober sa teroristang grupo.
Samantala, dakong alas-9:00 ng umaga ng Huwebes nang muling umalingawngaw ang putukan sa Marawi City.

By Drew Nacino | With Report from Jonathan Andal

May 25, 2017 0 comment
0 Facebook Twitter Google + Pinterest
HEADLINES

Maute group suportado ng ISIS

written by DWIZ 882
MAUTE BY RAOUL ESPERAS
Suportado ng pinaka-notorious na international terrorist group na Islamic State of Iraq and Syria ang pakikipag-bakabakan ng grupong Maute sa mga tropa ng gobyerno sa Marawi City, Lanao del Sur.
Kinumpirma ng ISIS sa kanilang official Amaq News Agency at “website” na siteintelgroup.com na nagpapatuloy ang pakikipag-sagupaan ng mga miyembro ng kanilang “East Asia Division” sa Mindanao.
Batay sa intelligence report ng mga counter-terrorism expert, ang East Asia Division ng ISIS ay binubuo ng mga Islamic Extremist Group sa pangunguna ng Jemaah Islamiyah ng Indonesia at Malaysia; Abu Sayyaf at Maute o Dawlah Islamiyah ng Pilipinas.
Samantala, hindi naman binanggit ng ISIS kung ilan ang nalagas sa kanilang hanay.

By Drew Nacino

May 25, 2017 0 comment
0 Facebook Twitter Google + Pinterest
NATIONAL NEWS

2 katao patay nang madaganan ng trak sa Antipolo City, Rizal

written by DWIZ 882
Dalawa (2) katao ang patay nang madaganan ng tumagilid na 20-wheeler trailer truck sa Antipolo City, Rizal.
Nakasakay umano sa motorsiklo ang 36 anyos na biktima kasama ang pamangkin nito nang madaganan ng truck na kargado ng tone-toneladang scrap metal sa Ortigas Avenue Extension, Barangay Dela Paz.
Ayon sa mga otoridad, dakong alas-2:00 ng madaling araw nang maganap ang aksidente pero kaninang ala-6:00 lamang ng umaga nagsimula ang clearing operations na nagdulot naman ng bahagyang pagsikip sa daloy ng trapiko.
Halos madurog ang katawan ng mag-tiyuhin nang ma-i-angat ang truck dahil sa bigat ng karga nitong mga bakal.
Bineberipika na ang ulat na mayroon umanong nag-over-take na motorsiklo sa truck na dahilan kaya’t nawalan ng control sa manibela ang drayber nito.

By Drew Nacino

May 25, 2017 0 comment
0 Facebook Twitter Google + Pinterest
NATIONAL NEWS

Office of Civil Defense handang magsagawa ng relief operations sa Marawi City

written by DWIZ 882
Office of Civil Defense logo
Handa ang Office of Civil Defense o OCD na magsagawa ng relief operations sa mga lugar na apektado ng bakbakan ng militar at Maute Group o Dawlah Islamiyah sa Marawi City, Lanao del Sur sakaling ipag-utos ng national government.
Ayon kay OCD Officer-in-Charge, Assistant Secretary Kristoffer James Purisima, kasama ang National Disaster Risk Reduction and Management Council (NDRRMC), patuloy nilang mino-monitor ang sitwasyon.
Noong Miyerkules anya ay nag-convene ang NDRRMC core group sa kanilang operations center sa Camp General Emilio Aguinaldo, Quezon City upang talakayin ang mga ilalatag na hakbang para sa Marawi.
Tiniyak naman ng OCD na may sapat silang supply ng pagkain at gamot na maaaring ipamahagi sa mga evacuee anumang oras.

By Drew Nacino

May 25, 2017 0 comment
0 Facebook Twitter Google + Pinterest
INTERNATIONAL NEWS

5 katao patay sa magkasunod na suicide bombing sa Jakarta, Indonesia

written by DWIZ 882
POLICE LINE
Lima (5) ang patay sa magkasunod na suicide bombing sa Jakarta, Indonesia, isang araw bago ang banal na buwan ng Ramadan.
Bukod sa dalawang (2) suicide bomber, tatlong (3) pulis ang kabilang din sa nasawi habang sampung (10) iba pa ang nasugatan dahil sa napakalakas na pagsabog sa Kampung Melayu Terminal.
Naniniwala ang mga otoridad na isa itong panibagong terrorist attack ng mga hinihinalang miyembro ng Jemaah Islamiyah na sumusuporta sa Islamic State o ISIS.
Samantala, lima katao ang patay sa car bomb explosion sa Mogadishu, Somalia.
Kumbinsido ang Somali government na ang grupong Al-Shabaab, na supporter din ng ISIS ang nasa likod ng panibagong pag-atake.

By Drew Nacino

May 25, 2017 0 comment
0 Facebook Twitter Google + Pinterest
HEADLINES

Mga kalaban ng gobyerno sa Marawi City opisyal nang tinawag na ISIS

written by DWIZ 882
Opisyal na ring tinawag ng Armed Forces of the Philippines (AFP) na ISIS o Islamic State ang mga kalaban ng gobyerno sa Marawi City, Lanao del Sur.
Ito’y makarang mismong si Pangulong Rodrigo Duterte na ang nagbansag na ISIS ang mga miyembro ng Maute Group at Abu Sayyaf na naghahasik ng kaguluhan ngayon sa nasabing lungsod.
Ayon kay AFP Public Affairs Office Chief, Col. Edgard Arevalo, kung ISIS na ang tawag ng Pangulo sa mga lokal na terorista, susundin nila ito bilang kanilang Commander in Chief.
Maaari anyang may hawak na impormasyon ang Pangulo na wala ang militar.
Magugunitang makailang beses nang itinanggi noon ng AFP maging ng Philippine National Police (PNP) ang presensya ng ISIS sa Pilipinas dahil nagpapapansin lang umano sa totoong ISIS ang mga local Islamist group upang makakuha ng pondo at suporta.

By Drew Nacino | With Report from Jonathan Andal

May 25, 2017 0 comment
0 Facebook Twitter Google + Pinterest
HEADLINES

Idineklarang Martial Law walang kinalaman sa ekonomiya

written by DWIZ 882
DOF Carlos Dominguez
Walang epekto sa ekonomiya ang idineklarang martial law sa Mindanao ng Pangulong Rodrigo Duterte.
Ayon kay Finance Secretary Carlos Dominguez, layon lamang ng martial law protektahan ang mga inosente, komersyo at tanggalin ang anumang banta sa komunidad.
Ang pina-igting aniyang seguridad ay lalo lamang magtitiyak na ligtas ang mga negosyo at imprastraktura sa bansa.
Maliban dito, binigyang diin pa ni Dominguez na kontrolado ng militar ang kasalukuyang sitwasyon sa Mindanao.

 

Takbo ng negosyo sa Davao City tiniyak na normal pa
Tiniyak ng ANFLOCOR o Anflo Management and Investment Corporation na normal ang takbo ng negosyo sa Davao City.
Ayon kay ANFLOCOR Chairman Anthony Sasin, nasanay na ang mga taga-Davao sa pagkakaroon ng checkpoints at deklarasyon ng red alert status.
Gayunman, sinabi ni Sasin na ang hinihingi lamang na commitment ng kanilang mga kliyente ay ang katiyakan na mai-deliver ang kanilang mga produkto sa takdang panahon.

By Ralph Obina / Meann Tanbio

 

May 25, 2017 0 comment
0 Facebook Twitter Google + Pinterest
INTERNATIONAL NEWS

Same sex marriage sa Taiwan legal na

written by DWIZ 882
TAIWAN GAY MARRIAGE
Pinapayagan na ang same sex marriage sa Taiwan.
Ito ay matapos magdesisyon ang Constitutional Court ng Taiwan na ideklarang legal ang same sex marriage na kauna-unahan sa Asya.
Binigyang diin ng katas-taasang hukuman na labag sa saligang batas ang kasalukuyan nilang batas na pumipigil sa pagpapakasal ng mga LGBT.
Inatasan ng Korte ang mga mambabatas na amyendahan sa loob ng dalawang (2) taon ang batas ukol sa pagpapakasal upang tuluyang mapayagan ang same sex marriage.

By Ralph Obina

May 25, 2017 0 comment
0 Facebook Twitter Google + Pinterest
ENTERTAINMENT

Pagpapakasal nina Kylie at Aljur makapaghihintay pa

written by DWIZ 882
KYLIE PADILLA AND ALJUR
Hindi pa napag-uuspaan nina Kylie Padilla at fiance nitong si Aljur Abrenica kung anong petsa ang kanilang kasal.
Ayon kay Kylie, makapaghihintay naman ang kasal at mas nais nilang bigyang atensyon ang kanyang panganganak.
Sinabi ni Kylie na ayaw niyang madaliin at ipilit ang kasal dahil lamang siya ay buntis.
Binigyang diin ng Kapuso Actress na saka na nila ito pagpaplanuhan kapag naipanganak na niya ang kanilang anak.
Kasalukuyang sa ika-7 buwan na ng pagbubuntis si Kylie.

By Ralph Obina

Photo Credit: Kylie Padilla Instagram
May 25, 2017 0 comment
1 Facebook Twitter Google + Pinterest
SPORTS

Chris Bosh bibitawan na ng Miami Heat

written by DWIZ 882
Chris Bosh
Tuluyan na ngang lulusawin ng Miami Heat ang kanilang Big Three.
Ito ay dahil sa nakahanda na nilang bitawan ang natitira sa kanilang big three na si Chris Bosh.
Matatandaang simula Pebrero ng 2016 ay hindi na nakapaglaro pa si Bosh dahil sa blood clots nito sa binti.
Kasalukuyang nire-review ng mga abogado at agents ng Heat at ni Bosh ang terms ng separation agreement bago ito lagdaan.
Nakasaad sa naturang kasunduan na matatanggap pa rin ni Bosh ang natitirang 25.3 million dollars na sahod nito para sa 2017 hanggang 2018 at 26.8 million dollars na sweldo para sa 2018 hanggang 2019.
Magugunitang kasama sa big three noon ni Bosh sina Lebron James na nasa Cleveland Cavaliers na ngayon at Dwyane Wade na nasa koponan na ngayon ng Chicago Bulls.
Sa pamamagitan ng big three ay napasakamay noon ng Heat ang back to back championship sa NBA.

By Ralph Obina

May 25, 2017 0 comment
0 Facebook Twitter Google + Pinterest
Newer Posts
Older Posts