July 2026

Isinusulong ng ilang kaalyado ni Pangulong Rodrigo Duterte ang pagtatalaga ng bagong kalihim ng Department of Environment and Natural Resources sakaling hindi lumusot si Secretary Gina Lopez sa pagbabalik sesyon ng kongreso.

Inendorso ng PDP-laban-Caraga, na partido ni Pangulong Duterte,  ang ka-brod nito sa  Lex Talionis Fraternity na si Atty. Mark Kristopher Tolentino,  37 anyos na dating local government official.

Noong nakaraang eleksyon, si Tolentino ang nag-iisang PDP-Laban candidate na inendorso ni  Duterte sa CARAGA region, sa pagka-alkalde ng  Cabadbaran City, Agusan Del Norte pero natalo.

Bago sumabak sa mayoralty race, si Tolentino ang naging pinaka-batang   konsehal sa kanilang lugar sa edad na 15, Sangguniang Kabataan Chairman at nagsilbi sa Office of the Solicitor General.

Kagaya ng Pangulo, graduate din si Tolentino ng San Beda College of Law at kasalukuyang  private litigation lawyer at propesor sa De La Salle University.

By: Drew Nacino

Bumuo na ang Manila Police District ng Special Task Group na mag-iimbestiga sa pambobomba sa  Quiapo noong Biyernes ng gabi.

Ayon kay MPD Director, Chief Supt. Joel Coronel, ang SITG-Soler ay binubuo ng mga miyembro mula  M.P.D., Criminal Investigation and Detection Group, Philippine National Police-Crime Laboratory, Directorate for Intelligence at Armed Forces of the Philippines.

Sa ngayon anya ay limang   persons of interest pa lamang ang natutukoy na may kaugnayan sa kaso na pawang mula sa  Quiapo area.

Bukod pa ito sa narekober ng mga pulis na   detonation fuse ng isang  non-electrical timer.

Ipinunto naman ni Coronel na hndi ito ang unang beses na isang homemade pipe bomb ang ginamit sa  gang war dahil may kahalintulad na insidente sa Divisoria at Sampaloc.

By: Drew Nacino

Kung  nabigo  ang  mga  manggagawa  sa  pribadong  sektor, ang mga  kawani naman ng  gobyerno ang  maituturing  na  panalo sa  araw  ng  paggawa.

Ito ay dahil maaari na  silang  magtayo  ng  Unyon at  pumasok sa  Collective  Bargaining  Agreement  matapos  ratipikahan ni Pangulong Rodrigo Duterte  ang ilang  probisyon ng  International Labor  Organization Convention 151.

Sa  ilalim ng  ILO Convention, malaya ng  bumuo ng  Unyon ang mga  kawani ng  gobyerno at igiit  ang kanilang   benepisyo sa  pamahalaan.

Ayon kay Pangulong Duterte,  nakatakda  na niyang  isumite sa  Senado ang kalatas  ng  kanyang  pagsuporta na  ipatupad  ang  ILO Convention 151  sa  bansa.

Sa  kasalukuyan, tanging  mga  manggagawa  sa  pribadong  sektor   ang  pinapahintulutan sa  ilalim ng  batas na  magtatag ng  unyon at  pumasok sa  bargaining  agreement  sa kanilang  pinapasukang  kumpanya.

By: Drew Nacino / Aileen Taliping

Plano ng Pilipinas at Siyam na iba pang bansa mula sa Association of Southeast Asian Nations na bumili ng bulto ng bakuna bilang tugon sa kakulangan ng  murang supply sa rehiyon.

Ayon kay Zulkifli Ismail, miyembro ng ROTA Council for Malaysia at Secretary General ng Asia Pacific Pediatric Association, ang kakulangan ng  supply at mataas na presyo  ang tinalakay nila sa 6th Asian Vaccine Conference sa Metro Manila noong April 27 hanggang 29.

Kailangan pa anyang mag-usap ng mga  ASEAN country at magkasundo kung anong mga bakuna ang dapat bilihin nang maramihan upang mapababa ang presyo nito.

Tinalakay din sa pulong ang mga solusyon ang mga programa laban sa mga karamdaman maging ang pagdevelop ng mga bagong bakuna sa rehiyon.

By: Drew Nacino

Itinanggi ni  Senador Leila de Lima na napag-usapan ang destabilisasyon sa pulong nila ng mga kapwa minority Senator sa pagbisita ng mga ito sa kanyang selda sa Kampo Crame.

Ayon kay Senador Leila De Lima, pasensya na lang kung madismaya ang mga paranoid na alipores ni Pangulong Rodrigo Duterte dahil walang anumang  napag-usapan na destabilization  plot sa pagbisita nina Senate Minority Leader Franklin Drilon, Liberal Party President Kiko Pangilinan, Senators Risa Hontiveros at Antonio Trillanes.

Una ng nagbabala si Solicitor-General Jose Calida sa mga dilawan na sangkot umano sa sinasabing planong pagpapatalsik sa Pangulo na naghahanap na sila ng mga ebidensya upang kasuhan ang mga ito.

Samantala, nagpapasalamat at natutuwa naman si De Lima  dahil pinatunayan ng kanyang mga kasamahan sa menorya na tunay na kumikilos ang  minority bloc sa Senado bilang oposisyon.

Ito’y makaraang pag-usapan sa pagbisita ng mga minority Senator kay De Lima ang kanilang legislative agenda kung aling panukalang batas ang susuportahan o tututulan.

Tinalakay din ang planong pagsusumite ng petisyon sa Korte upang payagan si De Lima na makalahok sa deliberasyon at botohan ng mga mahalagang panukalang batas.

By: Drew Nacino / Cely Bueno