Kumbinsido ang election lawyer na si Atty. Romulo Macalintal na hindi maapektuhan ng problemang mag-asawa ni Commission on Elections (COMELEC) Chairman Andy Bautista ang resulta ng May 2016 Presidential Elections.
Ayon kay macalintal, walang matibay na batayan para sabihing magdudulot ng negatibong epekto sa kredibilidad at intigredad ng katatapos na eleksyon ang personal at seryosong problema ng mag-asawang Bautista.
Giit pa ni Macalintal, bagama’t isinawalat ni Ginang Patricia Bautista ang mga ebidensiya sa umano’y tagong yaman ng kanyang asawa ay hindi naman nito binanggit kung may nagawa itong makakakompromiso sa 2016 Elections.
Gayundin aniya, hindi napatunayan ni Ginang Patricia na tumanggap ng referral fee ang COMELEC Chairman para dayain ang resulta ng halalan noong 2016.
Matatandaang si Macalintal ay tumatayong abogado ni Vice President Leni Robredo sa isinamapang election protests ni dating Senador Bongbong Marcos.
