June 2026

Muli na namang nagkaaberya ang operasyon ng MRT-3 kaninang umaga.

Ayon sa ulat naging limitado lamang sa North Avenue Station hanggang Shaw Boulevard ang biyahe ng MRT.

Dahil dito napilitang sumakay ng bus ang mga regular na pasahero ng MRT upang makarating sa kanilang destinasyon.

Hindi pa malinaw kung ano ang rason ng naturang aberya sa MRT.

By  Ralph Obina  

Kinontra ni Congressman Rodolfo Albano ang mga panawagang resignation ni Department of Transportation and Communications (DOTC) Secretary Joseph Emilio Abaya.

Tinawag pa ni Albano na counter productive at foolish ang mga isinusulong na pagsibak kay Abaya sa gitna na rin ng kontrobersya sa laglag o tanim bala sa NAIA.

Ayon kay Albano, maraming tinututukang multi-billion peso infrastructure projects si Abaya tulad ng konstruksyon ng Connector Road na mag-uugnay sa North at South Luzon Expressways.

Ang modernization ng MRT line 3 at konstruksyon ng bagong international airports sa Cebu, Palawan at Bohol.

Sinabi ni Albano na ipinag-utos na ni Abaya ang imbestigasyon sa nasabing kontrobersya at sinimulan na ang pagpapalit ng security protocol sa mga airport batay na rin sa direktiba ng Pangulong Noynoy Aquino.

Kasabay nito, hinimok ni Albano ang publiko na pakinggan ang apela ng gobyerno na huwag magdala ng anumang bala sa mga airport.

By Judith Larino  

Naglagay na ng help desk ang Philippine Overseas Employment Administration o POEA gayundin ang Overseas Workers Welfare Administration o OWWA sa mga paliparan.

Ito’y para alalayan ang mga balikbayan o maging ang mga papaalis na OFW sa bansa sakaling mabiktima ng tanim-laglag bala sa NAIA.

Ayon kay POEA Adminsitrator Hans Cacdac, magbibigay din sila ng shelter o pansamantalang tutuluyan ng mga mabibiktimang OFW gayundin sa pamilya nito.

Kabilang sa mga ibibigay na assistance ng mga nasabing help desk ay ang on-the-spot advise para sa mga mabibitkimang OFW para madaling makipag-ugnayan sa kanilang pamilya, recruitment agency maging sa kanilang abogado.

Sinabi pa ni Cacdac na kanila ring aabisuhan ang employer ng mga mabibiktimang OFW sa ibayong dagat upang ipabatid ang pagkakaantala sa kanilang biyahe.

By Jaymark Dagala | Allan Francisco 

Handa ang National Disaster Risk Reduction and Management Council o NDRRMC na magsagawa ng panibagong retrieval operation sa Tacloban City.

Ito’y upang marekober ang iba pang labi ng mga sinalanta ng super bagyong Yolanda may dalawang taon na ang nakalilipas.

Ayon kay NDRRMC Exec. Dir. Alexander Pama, naghihintay lamang sila ng request mula sa lokal na pamahalaang nakasasakop sa lugar.

Inihayag ito ni Pama bunsod na rin ng pagkakatuklas sa iba pang mga bangkay nitong weekend kasabay ng ikalawang anibersaryo ng pananalasa ng super bagyo.

Sa kasalukuyan, nakapako pa rin ang tala ng NDRRMC sa 7,350 ang kabuuang bilang ng mga nasawi sa itinuturing na pinakamalakas na bagyong tumama sa kalupaan sa kasaysayan ng mundo.

By  Jaymark Dagala | Jonathan Andal 

Inihahalintulad ni Senadora Grace Poe sa unli load sa cellphone ang mga isinampang disqualification case laban sa kaniya.

Ito ang reaksyon ng senadora makaraang isampa ni Dean Amado Valdez ang ika-apat na disqualification case na kumukuwesyon pa rin sa kaniyang citizenship.

Bagama’t nirerespeto ni Poe ang naging hakbang ni Valdez ngunit hinamon nito ang guro kung ano ang tinigin nito sa mga kasalukuyang problema ng bansa.

Samantala, inihayag din ni Poe na haharap siya sa gagawing pagdinig ng COMELEC hinggil pa rin sa kasong disqualification na ipinagharap laban sa kaniya.

By  Jaymark Dagala | Cely Bueno (Patrol 19) 

Ipinagtanggol ng Malakaniyang ang 10 bilyong pisong pondo na inilaan ng pamahalaan para magamit sa hosting ng Pilipinas sa APEC Summit.

Ayon kay Ambassador Marciano Paynor, Director General ng APEC National Organizing Council, halos isang taon ginugol ang pondo para sa mga aktibidad kabilang na ang senior official’s meeting na ginawa sa iba’t ibang panig ng bansa gayundin ang nakatakdang leaders meeting sa susunod na linggo.

Binigyang diin ni Ambassador Paynor na ang host country ang siyang gumagastos para sa pagkain, hotel accomodation at transportasyon ng mga head’s of state kasama na rito ang pagtitiyak sa kanilang seguridad.

Gayunman, nilinaw ni Paynor na hindi kasama sa gastos ang mga kasamang delegado na aabot sa 7,000 maging ang foreign media na nagco-cover sa nasabing aktibidad.

Dahil dito, naki-usap si Paynor sa mga kritiko na huwag bigyan ng kulay ang paggastos sa nasabing pondo sabay pagtitiyak na walang masasayang na sentimo sa kabuuan APEC Summit.

By  Jaymark Dagala | Aileen Taliping (Patrol 23) 

Nakatakdang dumating sa bansa ngayong araw si Chinese Foreign Minister Wang Yi.

Ito ang kinumpirma ng Department of Foreign Affairs o DFA bilang bahagi ng kaniyang working visit batay na rin sa imbitasyon sa kaniya ni DFA Secretary Albert del Rosario.

Gayunman, hindi na idinetalye pa ng DFA kung ano ang magiging paksa ng pag-uusapan nila ni Wang Yi sa kaniyang pagbisita.

Una nang kinumpirma ng Chinese government ang pagdalo ng kanilang pangulo na si Xi Jin Ping sa Asia Pacific Economic Cooperation na gagawin sa bansa sa susunod na linggo.

By Jaymark Dagala | Allan Francisco 

Panatilihin ang zero crime rate o zero incident sa buong panahon ng Asia Pacific Economic Cooperation o APEC Summit.

Ito ang marching order ng Pangulong Noynoy Aquino sa pambansang pulisya kasunod ng pagsasabing kuntento naman ito sa ginagawang paghahanda ng PNP.

Ayon kay PNP Chief Dir. Gen. Ricardo Marquez, kanilang pinagsama-sama ang magagaling nilang tauhan para sa nasabing okasyon.

Kaugnay nito, nakatakdang itaas ng pnp ang heightened hanggang full alert status sa Lunes ng susunod na linggo.

By  Jaymark Dagala | Jonathan Andal