Monthly Archives

June 2026

Aabot sa 65 OTS personnel nasibak na dahil sa ‘tanim-bala’ issue—Abaya

Muling inamin ni Department of Transportation and Communications (DOTC) Secretary Jun Abaya na may mga nasibak nang personnel ng Office for Transportation Security o OTS dahil sa mga kasong may kaugnayan sa tanim-bala scam.

Sa katunayan, sinabi sa DWIZ ni Abaya na umaabot na sa 65 OTS personnel ang natanggal sa kani-kanilang puwesto bunsod ng naturang isyu.

Gayunman, nilinaw ni Abaya na hindi na nila saklaw ang pagsasampa ng kasong kriminal laban sa mga OTS personnel na nadiskubreng dawit umano sa tanim-bala dahil saklaw na ito ng prosecution.

“Usually sa prosecutor na pero sinu-suggest ngayon na may isang committee, yun ang pag-aaralan namin kung talagang mainam itong proseso, yung binigbigyan ng discretion ang isang committee whether palagpasin ba.” Pahayag ni Abaya.

By Jelbert Perdez | Ratsada Balita

November 13, 2015 0 comment

HEADLINES

WHO: 2 milyon bata namamatay kada taon dahil sa pneumonia

written by DWIZ 882

Dalawang (2) milyong bata na 5-taong gulang pababa ang namamatay kada taon sa buong mundo dahil sa pneumonia.

Ito ang ibinunyag ng World Health Organization o WHO kasabay ng World Pneumonia Day.

Bilang bahagi ng kampanya ng WHO, nagbabala ito na hindi dapat balewalain ang naturang sakit.

Ayon sa datos, 16% naman ng mga namamatay na paslit sa pilipinas kada taon ay sanhi rin ng pneumonia.

Ayon kay Infectious Disease Expert Dr. Rey Salinel, ang pneumonia ay isang uri ng sakit na nakakaapekto sa mga bata at mga nasa hustong gulang kung saan nagdudulot ito ng hirap sa paghinga, lagnat, at iba pang sintomas.

Giit ni Salinel, delikado ang pneumonia at nakakahawa dahil ang mga virus, bakterya, at fungi ay nakukuha sa mga pampublikong lugar.

By Jelbert Perdez

November 13, 2015 0 comment

HEADLINES

UltraLotto 6/58

written by DWIZ 882

48-15-01-35-26-22 (No Winner)
In any order
Jackpot Prize: Php 50 Million

November 13, 2015 0 comment

HEADLINES

MegaLotto 6/45

written by DWIZ 882

02-25-30-38-24-29 (No Winner)
In any order
Jackpot Prize: Php 47,430,084.00

November 13, 2015 0 comment

NATIONAL NEWS

FVR kay Duterte: Tumakbo ka na o kalimutan mo na

written by DWIZ 882

Tumakbo ka na o kalimutan mo na.

Ito ang payo ni dating Pangulong Fidel Ramos kay Davao City Mayor Rodrigo Duterte bilang pakikiisa sa milyung-milyong Pinoy na nananawagang sumabak na ito sa presidential election sa susunod na taon.

Nang tanungin naman ng media si Ramos kung ano ang tugon ng alkalde sa kanyang mensahe, sinabi ng dating Pangulo na malalaman din ito ng publiko.

Una nang iginiit ni Duterte na baka tumakbo siya sa pagka-Pangulo kapag nasagad siya at sumobra na ang pang-aapi sa mga Pinoy na nag-ugat sa ‘tanim-bala’ scam.

By Jelbert Perdez

November 13, 2015 0 comment

HEADLINES

Arrival protocol sa APEC handa na

written by DWIZ 882

Nakahanda na ang protocol para sa pagdating ng mga world leaders na dadalo sa 23rd Asia Pacific Economic Cooperation (APEC) Leaders’ Meeting sa bansa.

Sinabi ni Ambassador Marciano Paynor, Director General ng APEC National Organizing Council (NOC), malaking hamon sa kanila kung paano gawing smooth sailing ang lahat sa halos sabay-sabay na pagdating ng mga world leaders.

Minuto lang ang pagitan nang pagdating ng mga lider ng APEC members, lalo na sa Martes, November 17.

Nagtalaga na nang limang arrival points sa Ninoy Aquino International Airport.

Ang arrival point 1, 2 at 4 ang siyang nakatalaga sa mga malalaking eroplano na sasakyan ng world leaders.

Kalahati sa mga darating na lider ay mula pa sa G20 Summit sa Turkey.

Pagkatapos ng APEC Meeting, kalahati sa mga world leaders ay didiretso naman ng Malaysia para sa ASEAN Meeting.

Sa araw ng Linggo, November 15, darating ang lider ng Chile habang sa Lunes naman, November 16 ang pagdating ng lider ng Colombia, Chinese Taipei at Papua New Guinea.

Sa November 17 ang dating ng mga lider ng Vietnam, Mexico, Malaysia, Hong Kong, South Korea, Australia, Canada, New Zealand, Japan, Brunei, Thailand at ni U.S. President Barack Obama.

Darating naman sa November 18 ang lider ng Singapore.

By Mariboy Ysibido

November 13, 2015 0 comment

HEADLINES

Widodo at Putin di makakadalo sa gaganaping APEC Summit sa bansa

written by DWIZ 882

Kinansela ni Indonesian President Joko Widodo ang pagdalo nito sa APEC Economic Leaders’ Meeting sa susunod na linggo.

Ayon kay Department of Foreign Affairs (DFA) Undersecretary Laura del Rosario, may mga mahalagang bagay na kailangang asikasuhin ni Widodo sa Indonesia kaya’t ang kanyang Minister of Trade ang padadaluhin sa susunod na linggo.

Masyado aniyang mahigpit ang schedule ni President Widodo at kailangan din nitong tutukan ang matinding problema ng haze sa Indonesia.

Si Widodo ay manggagaling sa G20 meeting sa bansang Turkey, at susundan ito ng nakatakdang pagdalo sa ASEAN Summit sa Kuala Lumpur, Malaysia.

Sinabi ni Del Rosario na sa pagitan aniya ng mga biyahe nito ay kailangang bumalik ng Indonesia para asikasuhin ang problema sa haze na nakaapekto na rin ng malaki sa ilang siyudad.

Bukod kay Indonesian President Joko Widodo, hindi rin makadadalo sa APEC Leaders’ Meeting si Russian President Vladimir Putin.

Gayunman, ipinabatid ni Dmitri Peskov, tagapagsalita ni Putin na magiging kinatawan sa APEC ng kanilang lider si Prime Minister Dmitri Medvedev.

Nabatid na may mga naunang commitment ang Russian President kaya hindi makapupunta sa Maynila para sa nasabing leaders’ meeting.

Si Putin ang ikalawa sa mga lider na nagpahayag na hindi makadadalo sa APEC Summit.

By Meann Tanbio | Aileen Taliping (Patrol 23)

November 13, 2015 0 comment

HEADLINES

Pangingikil ng ilang tauhan ng paliparan sa isang dayuhan nabunyag sa senado

written by DWIZ 882

Umarangkada na ang imbestigasyon ng senado hinggil sa kontrobersyal na tanim o laglag bala modus sa Ninoy Aquino International Airport o NAIA.

Pinangunahan nina Senate Blue Ribbon Committee Chairman Teofisto “TG” Guingona at Senate Committee on Public Services Committee Chairman Serge Osmeña ang imbestigasyon.

Unang sumalang sa pagdinig ang isa sa mga biktima ng laglag bala na si Lane Michael White na isang Amerikano.

Idinetalye ni Eloisa White, ang stepmother ni Lane ang insidente at binantaan pa aniya na ipakukulong ang kanyang anak.

Ayon kay Eloisa, kinuhanan niya ng video ang pangyayari at nang ito’y matuklasan, pinabubura sa kanya ng isang SPO2 Clarin ang video at nagbantang siya’y pagmumultahin.

Kuwento pa ni Eloisa, mayroong lumapit na isang PNP officer na nagngangalang “Junio”.

Hinihingan sila ng P30,000 upang maareglo ang insidente.

By Meann Tanbio | Cely Bueno (Patrol 19)

November 12, 2015 0 comment

NATIONAL NEWS

Signal jamming wala sa security preparations sa APEC Summit

written by DWIZ 882

Muling tiniyak ng pamahalaan na walang ipatutupad na signal o phone jamming sa buong panahon ng Asia Pacific Economic Cooperation o APEC Summit.

Ito ang inihayag ni Ambassador Marciano Paynor Jr., Dir. Gen. ng APEC Organizing Committee sa kaniyang pagharap sa mga mamamahayag kaninang umaga.

Sinabi ni Paynor, tiyak na mahihirapan ang lahat sa aspeto ng komunikasyon kaya’t hindi na nila ito isinama sa kanilang preparasyon.

Magugunitang inulan ng kaliwa’t kanang batikos ang gobyerno ng Pilipinas nang ipatupad ang signal jamming nang bumisita sa bansa si Pope Francis.

Katuwiran noon ng gobyerno, ginawa iyon para tiyaking ligtas na makapaglalakbay saan mang panig ng kamaynilaan ang Santo Papa at mailayo sa banta ng mga terorista.

By Jaymark Dagala | Aileen Taliping (Patrol 23)

November 12, 2015 0 comment

NATIONAL NEWS

Kontrobersiya sa PCSO sisilipin ng senado

written by DWIZ 882

Nakatakdang siyasatin ng Senado ang kontrobersiya sa operasyon ng small town lottery o STL.

Ayon kay Senate Committee on Games, Amusement and Sports Chairman Senador Sonny Angara, maghahain siya ng resolusyon para rito.

Sinabi ni Angara, labis niyang ikinabahala ang naging findings ng National Bureau of Investigation o NBI na nagsasabing ginagamit umano bilang front ang STL ng mga operator ng jueteng.

Gayunman, tumanggi muna siyang magkomento kung pabor siya o hindi sa mungkahi ni PCSO Chairman Erineo Ayong Maliksi na itigil muna pansamantala ang opersyon ng STL at magbigay muli ng prangkisa.

Ani Angara, nais muna niyang pakinggan ang bawat panig bago siya makapagbigay ng pahayag sa nasabing usapin.

By Jaymark Dagala | Cely Bueno (Patrol 19)

November 12, 2015 0 comment

Newer Posts

Older Posts