June 2026

Tumanggi ang Sandiganbayan First Division na maghain ng kanilang komentaryo sa Korte Suprema kaugnay sa status ante order ng kataas taasahang hukuman sa plunder case ni dating Pangulong Gloria Arroyo.

Sa halip ay compliance with manifestation na lamang ang ipinadala ng Sandiganbayan First Division sa Korte Suprema.

Ibig sabihin, susundin na lamang nila kung anuman ang naging utos ng Supreme Court.

Una nang ipinag-utos ng Korte Surpema na ihinto ng 30 araw ang pagdinig sa kasong plunder ni Ginang Arroyo.

By  Len Aguirre | Jill Resontoc (Patrol 7)  

Dapat nang buhayin ni Pangulong Noynoy Aquino ang IACEH o Inter Agency Committee on Environmental Health.

Panawagan ito ng TUCP-Nagkaisa o Trade Union Congress of the Philippines-Nagkaisa sa Pangulong Aquino.

Layon nito na makabuo anila ng plano ang pamahalaan sakaling matagal na manatili sa Visayas at mindanao ang haze na galing sa Indonesia.

Ayon sa grupo, dapat ring may nakahandang plano ang gobyerno kung ano ang dapat gawin sakaling makarating ang haze sa National Capital Region.

Ang IACEH ay binuo noong 1991 para sa mabilis na pagtugon ng pamahalaan laban sa mga environmental hazzards na maaaring makaapekto sa mga Pilipino.

By  Len Aguirre  

Aabot sa mahigit 10 at inaasahang darami pa ang mga masasampolan ng ginagawang paglilinis ng Metro Manila Development Authority o MMDA sa Mabuhay Lanes.

Katuwang ng MMDA ang PNP Highway Patrol Group sa pagsasagawa ng clearing operations sa mga alternatibong daanan bilang paghahanda ngayong panahon ng Kapaskuhan.

Paaalala naman ng mga otoridad, mahigpit na ipinagbabawal ang pagparada sa lahat ng kalyeng sakop ng Mabuhay Lanes mula ala-6:00 hanggang alas-9:00ng umaga.

Giit ni MMDA Chairman Emerson Carlos, sapat na ang panahon na kanilang ibinigay para maiparating ang impormasyon sa mga residente at may-ari ng mga establisyemento kaya’t walang dahilan para hindi sila sumunod.

Banta pa ni Carlos, babatakin ang mga nakahambalang sasakyan para sa mga mananatiling pasaway at hindi tatalima sa kanilang kautusan.

By  Jaymark Dagala 

Naniniwala ang election lawyer na si Atty. Romulo Macalintal na malabo nang makatakbo pa bilang Pangulo si Davao City Mayor Rodrigo Duterte.

Ito’y kahit pa inatasan na si Mayor Digong na maging substitute standard bearer kapalit ng umatras nang si VACC Chairman Martin Diño.

Ayon kay Macalintal, malinaw naman ang inihaing certificate of candidacy ni Diño sa COMELEC kung saan, naghain siya ng kandidatura bilang alkalde ng Pasay City at hindi bilang pangulo.

Kaya naman, hindi na rin maaari pang maging substitute si Duterte dahil nakapaghain na rin ito ng kaniyang kandidatura bilang alkalde ng Davao City.

By Jaymark Dagala | Aya Yupangco (Patrol 5)  

Nahaharap sa 6 na taon at isang buwang pagkakakulong si dating Camalig Albay Mayor Paz Muñoz at tatlo pa nitong kasamahan.

Ito’y makaraang ipag-utos na ng Sandiganbayan ang pag-aresto sa apat bilang pagtupad sa hatol nito noong Setyembre 22.

Nahatulang guilty sa kasong graft si Muñoz dahil sa maanomalyang kontratang pinasok ng lokal na pamahalaan para sa maintenance ng 5 sasakyan ng munisipyo noong 2003.

Kabilang din sa mga ipinaaaresto ng Sandiganbayan ay ang dating OIC Municipal Accountant na si Rem Ortonio, Municipal Treasurer na si Armando Quintano at Municipal Engineer na si Rogelio Naz Jr.

By Jaymark Dagala | Jill Resontoc (Patrol 7)  

Umaaray na rin maging ang hanay ng mga porter sa Ninoy Aquino International Airport o NAIA.

Sa panayam ng DWIZ sa mga ito na iniiwasan na sila ng mga turista mapa-lokal man o dayuhan dahil sa takot na kasabwat sila ng mga tanim bala gang sa loob ng paliparan.

Bukod sa paghina ng kanilang kita, nakatitikim din sila ng masasakit na salita mula sa mga lumalabas at pumapasok sa NAIA na siyang dahilan upang bumaba ang kanilang morale.

Dahil dito, nangangamba sila na kung magpapatuloy ang ganitong masamang gawain sa loob ng paliparan, tiyak na marami sa kanila ang mawawalan ng trabaho dahil hindi na nila makukuha ang quota na kailangan nila sa bawat araw.

By Jaymark Dagala | Raoul Esperas (Patrol 45)  

Nagpatupad ng halos P3 taas presyo sa kanilang Liquified Petroleum Gas o LPG ang kumpaniyang Petron.

Epektibo ala-6:00 kaninang umaga, P2.95 sentimos ang umento sa kada kilo ng LPG o P32.40 sa kada 11 kilogram na tangke nito.

Piso at animnaput limang (P1.65) sentimos naman ang idaragdag sa presyo ng kada kilo ng Auto LPG.

Samantala, may nakaamba ring taas presyo sa kada litro ng gasolina anumang araw ngayong linggo.

Ayon sa source sa industriya, nasa P0.15 hanggang P0.25 sentimos kada litro ang posibleng itaas sa presyo ng gasoline.

Posible naman wala o P0.05 ang itaas sa kada litro ng diesel at posible ring wala o P0.10 naman ang umento sa kada litro ng kerosene.

By Jaymark Dagala   

Posibleng ilabas na ng Department of Transportation and Communications (DOTC) anumang araw mula ngayon ang resulta ng kanilang imbestigasyon.

May kaugnayan ito sa sunud-sunod na insidente ng tanim bala o laglag bala sa Ninoy Aquino International Airport o NAIA.

Ayon kay DOTC Sec. Joseph Emilio Abaya, kaniya nang pinulong ang mga ahensyang may kinalaman sa ginagawang imbestigasyon upang ma-consolidate ang lahat ng impormasyong kanilang nakalap.

Paglilinaw pa ni Abaya, matagal na silang nagsagawa ng imbestigasyon mula nang pumutok ang balita na may ilan nang nabibiktima ng umano’y modus operandi.

By  Jaymark Dagala  

Gagamitin ng Pilipinas bilang argumento sa arbitration case nito laban sa China ang Washington Treaty of 1900 sa gagawing pagdinig ng International Permanent Court of Arbitration sa The Hague, Netherlands ngayong buwan.

Ang Washington Treaty ay ang kasunduang nag-aamiyenda sa makasaysayang Treaty of Paris noong 1898 nang isuko ng pamahalaang Espanyol ang Pilipinas sa ameRika sa halagang 20 milyong dolyar.

Ayon kay Philippine Ambassador to the United States Jose Cuisia, nakasaad sa nasabing tratado na bahagi ng Pilipinas ang mga isla ng Spratlys na kasalukuyang inookupahan ngayon ng China.

Sa sandaling mapatunayan ang argumentong ito ng Arbitral court, malaki ang tsansang kumiling na ang Amerika sa Pilipinas dahil isa ito sa mga lumagda ng nasabing kasunduan.

By  Jaymark Dagala