18-30-13-38-39-32 (No Winner)
In any order
Jackpot Prize: Php 21,250,840.00
Monthly Archives
June 2026
20 heads of state ang nagkumpirmang dadalo sa Asia Pacific Economic Cooperation leaders’ meeting na gaganapin sa maynila mula November 18 at 19.
Ayon kay Cabinet Secretary Jose Rene Almendras, kabilang sa mga dadalo si Russian President Vladimir Putin at 19 pang heads of state.
Ipinabatid ni Almendras na hinihintay pa nila ang confirmation ng China.
Nauna nang inanunsyo ng Washington ang pagdalo ni U.S. President Barack Obama sa APEC Summit.
By: Meann Tanbio
20 heads of state kumpirmadong dadalo sa APEC sa Nobyembre was last modified: November 5th, 2015 by DWIZ 882
Umakyat na sa unang puwesto ang Rain or Shine Elasto Painters sa PBA Philippine Cup standings matapos padapain ang San Miguel Beermen sa score na 99-84 sa Mall of Asia Arena sa Pasay City.
Kapwa kumamada ng 15 points sina Raymond Almazan, Beau Belga at Jeff Chan para sa Rain or Shine dahilan upang maisukbit ang solo lead taglay ang kartadang 3-0.
Nagdagdag naman sina Gabe Norwood at Rookie Maverick Ahanmisi ng tig-14 points para sa Painters.
Sa third quarter pa lamang ay kinontrol na ng Rain or Shine ang laban sa pamamagitan ng epektibong outside shooting.
Sa huling apat na minuto ng laro ay naitala ng painters ang 83-73 lead hanggang sa hindi na ito lumingon na naging dahilan upang ilampaso ang defending champion.
By Jelbert Perdez
Rain or Shine still undefeated sa PBA matapos padapain ang San Miguel Beermen was last modified: November 5th, 2015 by DWIZ 882
Wala pang indikasyon kung dadalo sa Asia Pacific Economic Cooperation summit si Chinese President Xi Jinping.
Sinabi ni Deputy Presidential Spokesperson Abigal Valte, bagamat wala pang kumpirmasyon, nakikiisa naman aniya ang home office ng China sa national organizing committee kung saan nagkaroon ng advance visit sa bansa.
Tumanggi naman si Valte na tukuyin kung sinu-sinong mga leaders ang magkakaroon ng bilateral meeting kay Pangulong Noynoy Aquino at kung ano ang mga inaasahang pag-uusapan.
By: Meann Tanbio I Aileen Taliping (patrol 23)
Chinese President Xi Jinping di pa tiyak kung dadalo sa APEC Summit was last modified: November 5th, 2015 by DWIZ 882
Papatayin ng mga hinihinalang miyembro ng Abu Sayyaf Group o ASG ang 3 dayuhan at 1 Pinay kapag hindi naibigay ang hinihingi nilang 3bilyong pisong ransom money.
Sa isang video, ipinakita ng mga rebelde na buhay pa ang mga Canadian na sina John Ridsdel at Robert Hall, Pinay girlfriend nito na si Maritess Flor, at Norwegian na si Kjartan Sekkingstad.
Nakiusap naman sina Ridsdel at Hall sa Canadian government na bayaran ang ransom at iligtas ang kanilang buhay.
Ayon naman kay Sekkingstad, dapat seryosohin ang demand ng mga kidnapper dahil mapanganib ang mga ito.
Matatandaang dinukot ang mga biktima noong September 21 mula sa Holiday Ocean View Resort sa Samal Island, Davao del Norte at dinala sa Sulu.
Wala namang ibinigay na deadline ang Abu Sayyaf sa pagbabayad ng ransom money.
By Jelbert Perdez
Samal kidnapping victims nanganganib pugutan ng Abu Sayyaf was last modified: November 5th, 2015 by DWIZ 882
Hindi maitago ni Senate Minority Leader Juan Ponce Enrile ang tila pagkadismaya sa sunud sunod na insidente ng tanim bala sa Ninoy Aquino International Airport.
Ayon kay Enrile, buong bansa ang nalalagay sa kahihiyan kung saan maging ang United Nations ay binalaan ang kanilang mga tauhan na bantayan ang kanilang mga bagahe.
Dahil dito, naghain ng resolusyon si Enrile na nagsusulong na imbestigahan ng senado ang isyu ng tanim bala sa paliparan.
Aalamin aniya nila kung mayroon bang sindikato sa loob ng NAIA.
By: Meann Tanbio I Cely Ortega-Bueno
Senator JPE dismayado sa serye ng tanim-bala sa NAIA was last modified: November 5th, 2015 by DWIZ 882
Sinusuri na ng Philippine National Police ang video na inilabas ng mga nagpakilalang miyembro ng Abu Sayyaf group kung saan ipinapakita ang mga biktima ng Samal kidnapping habang nanawagan ng P4 Billion ransom kapalit ng kanilang kalayaan.
Ayon kay PNP PIO Chief Police Chief Supt Wilben Mayor, ipinasa ng anti-kidnapping group ang nasabing video sa anti cyber crime group sa kampo krame upang mabusisi ng maigi at malaman kung authentic ba ito.
Pero, bago pa man lumabas ang ikalawang video ay natapos na ng pnp ang pagsusuri sa unang video na inilabas noon ng mga nagpapakilalang miyembro ng abu sayyaf kung saan makikita rin ang mga biktima ng samal kidnapping na humihingi ng tulong.
Gayunman, tumanggi si Mayor na ilahad ang resulta ng kanilang pagsusuri sa unang video dahil na rin sa nagpapatuloy pa nilang operasyon upang masagip ang mga bihag.
By: Meann Tanbio I Jonathan Andal
Video ng mga biktima sa Samal Kidnapping sinusuri na ng PNP was last modified: November 5th, 2015 by DWIZ 882
Binalewala ni Rizalito David, isa sa mga nagsampa ng disqualification case laban kay Senador Grace Poe ang negatibong resulta ng DNA test nito.
Ayon kay David, hindi naman importante sa kasong isinampa niya laban kay Poe ang resulta ng DNA test.
Mas importante aniyang tutukan ang istratehiyang ginagamit ngayon ng kampo ni Poe na palaging humingi ng palugit o mas mahabang panahon sa pagsagot o pagsumite ng mga hinihingi sa kanila ng korte.
Duda ni David, hindi titigilan ng kampo ni Poe ang paghingi ng extension hanggang dumating ang petsa na kailangan nang ipa-imprenta ang mga balota at mapasama doon ang pangalan ni Poe.
“They are just buying time para umabot ng hanggang December 10 kung hindi nareresolba ang kaso puwede silang manghingi ng karapatan na yung pangalan ni Grace Poe Llamanzares ay maisama sa balota, kapag naisama yan sa balota sa pagtakbo niya bilang Pangulo, ang kanilang strategy ngayon yung lagi nilang iginigiit na let the will of the people decide.” Ani David.
Una rito ay negatibo ang naging resulta ng DNA testing na isinagawa ng kampo ni Senador Grace Poe sa kanilang pagsubok na mahanap ang tunay na pamilya nito at mapatunayang tunay siyang Pilipino.
Tumanggi naman si Poe na tukuyin kung sino ang mga nagpakilalang kaanak na kinunan ng sample para sa DNA test.
Ayaw na aniya niyang guluhin pa ang buhay ng mga ito dahil nag-negatibo naman ang DNA test.
Binigyang-diin ni Poe na hindi naman nakabase sa DNA test ang kanyang laban kaugnay ng disqualification case laban sa kanya.
Nabatid na dalawang beses nang nagpa-DNA test si Poe at parehong negatibo ang resulta nito.
Not a nuisance
Samantala, kumpiyansa si Rizalito David na hindi siya maidedeklarang nuisance candidate ng Commission on Elections (COMELEC) para sa kanyang pagtakbo bilang Pangulo ng Pilipinas.
Ayon kay David, maaaring wala siyang sapat na pera subalit mayroon siyang constituency dahil siya ang napiling presidentiable ng Catholic Charistmatic Community.
Napatunayan na anya nila ito noong tumakbo siyang senador sa ilalim ng Kapatiran Party noong 2013.
“Yes isusuko natin lahat ng legal ways para labanan ang magiging maling desisyon na yun, alam niyo hindi lang naman peculiar sa akin yan dahil meron pong kilala ding ibang tao na nadalhan din po sila ng sulat na yun, sa amin pong pag-file ng aming mga sagot sa petisyon na yan hinihingi din po namin ang sagot ng COMELEC, ano ba talaga ang inyong naging basehan?” Pahayag ni David.
By Len Aguirre | Ratsada Balita | Meann Tanbio | Cely Bueno (Patrol 19)
DNA test result di mahalaga sa disqualification case vs Poe was last modified: November 5th, 2015 by DWIZ 882
VP Binay tataasan ng 20 porsyento ang pondo ng education sector sakaling palarin sa 2016 elections
written by DWIZ 882
Tiniyak ni Vice President Jejomar Binay ang dalawampung porsyentong pagtaas ng pondo ng sektor ng edukasyon sakaling palarin sa 2016 elections.
Sinabi ito ni Binay kahit na batay sa 2016 proposed national budget na una nang nilagdaan ni Pangulong Noynoy Aquino ay nakakuha ng pinakamataas na pondo ang Department of Education na umaabot sa mahigit P400 bilyon.
Binigyang-diin ni Binay na kailangan ang pagtaas ng pondo sa edukasyon upang matugunan ang pagtatayo ng mas maraming classroom; pagbili ng aklat at iba pang instructional materials; gayundin ang dagdag sweldo sa mga guro at iba pang benepisyo para sa kanila gaya ng pabahay.
Hindi rin naiwasan ni Binay na sabihin ang aniya’y mga nagawa niya sa lungsod ng makati na gagawin niya rin daw sa sektor ng edukasyon sa bansa gaya ng libreng basic education at tiyaking mapauunlad ang nutrisyon ng mga estudyante.
By: Meann Tanbio I Allan Francisco
VP Binay tataasan ng 20 porsyento ang pondo ng education sector sakaling palarin sa 2016 elections was last modified: November 5th, 2015 by DWIZ 882
Patay ang 39 katao sa Timog Sudan matapos mag-crash ang isang Antonov AN-12 plane.
Kabilang sa mga nasawi ang 1 Russian at 5 Armenians.
Dalawampu’t isa (21) katao naman ang nasawi sa lugar kung saan bumagsak ang eroplano.
Nabatid na ang nag-crash na cargo aircraft ay pag aari ng local allied services limited airline.
Ayon naman sa ulat ng local media sa sudan, sinabi ng south sudanese civil aviation authority na overloading o technical issue ang dahilan ng plane crash.
By Mariboy Ysibido
39 patay sa plane crash sa Sudan was last modified: November 5th, 2015 by DWIZ 882