Monthly Archives

June 2026

Gigi Reyes pinayagang makalabas ng piitan para magpabunot ng ngipin

Pinayagan ng Sandiganbayan ang dating Chief of Staff ni Senador Juan Ponce Enrile at kapwa akusado sa pork barrel scam na si Atty. Gigi Reyes na pansamantalang makalaya sa piitan.

Ito’y matapos katigan ng Anti-Graft Court ang petisyong inihain ni Reyes para makapagpabunot ng kaniyang ngipin.

Sa ipinalabas na resolusyon ng Sandiganbayan, inaatasan nito ang mga operatiba mula sa Kampo Bagong Diwa sa Taguig na payagang makalabas si Reyes patungo sa klinika ng isang Dr. Gary Brillo na matatagpuan sa Bonifacio Global City.

Bagama’t walang petsang inilagay ang korte, nilinaw nito na sasagutin din ni Reyes ang kung anuman ang magiging gastusin sa kaniyang seguridad.

Giit pa ng korte, kailangang maibalik si Reyes sa kaniyang piitan pagkatapos ng isasagawang dental procedure sa kaniya.

By Jaymark Dagala | Jill Resontoc (Patrol 7)

November 5, 2015 0 comment

NATIONAL NEWS

Pamilya ng nakapulot kay Poe ‘mixed emotion’ sa DNA test result ng senadora

written by DWIZ 882

Magkakahalong emosyon ang naramdaman ng anak ng taong nakapulot kay Senador Grace Poe sa resulta ng kanilang DNA test.

Sa isang panayam, sinabi ni Imelda Hofilena, anak ni Edgardo Militar na nakahinga siya ng maluwag matapos mag-negatibo ang DNA test nila ni Poe dahil mabubura na ang mga haka-haka na anak sa labas ng kanyang ama si Poe.

Gayunman, nalulungkot rin aniya siya para kay Poe dahil bigo pa rin itong mahanapan ang kanyang pamilya.

Ang ama ni Imelda ang nakapulot kay Poe sa isang simbahan sa Iloilo City.

Lumaki rin siya sa piling ng pamilya militar hanggang sa ampunin siya ng mag-asawang Fernando Poe at Susan Roces noong siya’y 5-taong gulang na.

By Len Aguirre

November 5, 2015 0 comment

ENTERTAINMENT

Jessy Mendiola itinangging siya na ang susunod na gaganap na Darna

written by DWIZ 882

Pinabulaanan ng aktres na si Jessy Mendiola na siya na ang bagong gaganap na Pinay superhero na Darna.

Kasunod ito ng mga espekulasyon na siya na ang napiling kapalit ni Angel Locsin matapos niyang magpost ng kanyang picture sa Instagram na naka-red bikini.

Aniya, walang kahulugan o pahiwatig ang larawan na iyon, nagkataon lamang daw na nagbakasyon siya at natural lang ang naka-swimsuit sa beach.

Gayunman, flattered pa rin si Jessy na isa siya sa mga nababanggit na magiging susunod na Darna.

Matatandaang noong nakaraang linggo ay umatras na ang aktres na si Angel Locsin sa pagganap na pelikulang Darna dahil sa problema sa kalusugan.

By Krista de Dios

November 5, 2015 0 comment

HEADLINES

Pekeng fact finding mission sa sinapit ng mga Lumad ibinunyag

written by DWIZ 882

Inakusahang peke ng Philippine Army ang fact finding mission na nag-iimbestiga sa di umano’y paglabag sa karapatan ng mga Lumad.

Ayon kay Army Spokesman Col. Benjamin Hao, iniimbestigahan nila ang anim na dayuhang miyembro ng fact finding mission at plano nilang ipadeport at pagbawalan nang makapasok uli sa Pilipinas.

Inakusahan ni Hao ng pagiging bias ang fact finding mission.

Iligal aniya ang partisipasyon dito ng mga dayuhan dahil wala naman silang mandato mula sa kanilang pamahalaan o ng kahit anong international organization para makialam sa internal affairs ng isang bansa tulad ng Pilipinas.

Kinilala ang mga dayuhan na sina Jonas Straetsmans ng Belgium, Dalkiran Metin at Hans Schaap na kapwa Dutch nationals, Gill Boehringer na isang abogagdo mula sa Sydney Australia at Henry Langston at Philip Callies ng Vice News London.

Sinabi ni Hao na tinitignan na rin nila ang pananagutan ng mga Pilipinong kasama rin sa fact finding mission.

Napag-alamang kasama sa mga miyembro ng fact finding mission si Bayan Muna Representative Carlos Isagani Zarate.

By Len Aguirre

November 5, 2015 0 comment

HEADLINES

8 gov’t employees sinibak sa pagbili ng overpriced at expired na gamot

written by DWIZ 882

Sinibak ng Office of the Ombudsman ang 8 empleyado ng gobyerno dahil sa pagbili ng mga expired at overpriced na gamot.

Ang mga sinibak ay pawang empleyado sa munisipyo ng Molave Zamboanga del Sur at pawang mga miyembro ng Bids and Awards Committee ng lokal na pamahalaan.

Ginawang batayan sa desisyon ng Ombudsman ang report ng Commission on Audit na overpriced ng 152 hanggang 836 percent ang mga biniling gamot ng Molave Bac noong 2008.

Napatunayan rin na walang nangyaring public bidding at nabigo rin ang Molave Bac na magsagawa ng eligibility check sa mga suppliers.

Dahil dito, kanselado na ang eligibility at retirement benefits nina Gasmelba Felicitas, Marcos Bahinting, Melita delos Santos, Nikki Omboy, Jerry Gene delos Santos at Lina Lou Gitalan.

By Len Aguirre

November 5, 2015 0 comment

HEADLINES

AFP tikom ang bibig sa bantang pagpugot ng Abu Sayyaf sa mga dinukot sa Samal

written by DWIZ 882

Tikom ang bibig ng Armed Forces of the Philippines (AFP) sa banta ng Abu Sayyaf na pupugutan nila ang bihag nilang 3 dayuhan at 1 Pilipina kung hindi mababayaran ang hinihingi nilang P4 na bilyong pisong ransom money.

Gayunman, tiniyak ni Col. Restituto Padilla, Spokesman ng AFP na tuloy tuloy ang ginagawa nilang pagkilos upang mailigtas ang mga biktima.

Sa ngayon, sinabi ni Padilla na ang tanging masasabi nila ay hindi pa sigurado kung anong grupo ang dumukot sa 2 Canadian, isang Norwegian at isang Pilipina sa Samal Island noong Setyembre.

Patuloy rin aniya ang pakikipag-ugnayan nila sa mga opisyal ng bansang kinabibilangan ng mga biktima.

By Len Aguirre | Ratsada Balita

November 5, 2015 0 comment

HEADLINES

5 pasahero na nahulihan ng bala sa NAIA pinalaya na

written by DWIZ 882

Pansamantala nang pinalaya ang 5 kataong inaresto sa Ninoy Aquino International Airport (NAIA) makaraang mahulihan ng bala.

Kabilang sa mga pinalaya ay isang Filipino-American, 2 overseas workers at dalawang indibidwal na nagtungo lamang sa paliparan para maghatid sa kani-kanilang kamag-anak.

Bago pinalaya ay sumailalim muna ang lima sa inquest proceedings.

Ayon kay Public Attorneys Office Chief Atty. Percida Acosta, nakapagbigay na ng kanilang oral motion sa Pasay City prosecutor ang lima kaya’t agad ding napagbigyan na pansamantalang makalaya.

Samantala, dalawa pa sa mga nahulihan ng bala ng mga otoridad sa naia ang na police custody at nakatakda pa lamang sumalang sa inquest proceeding.

By Ralph Obina

November 5, 2015 0 comment

INTERNATIONAL NEWS

Bumagsak na Russian passenger jet sa Egypt posibleng natamnan ng bomba

written by DWIZ 882

Posibleng natamnan ng bomba ang Russian passenger jet na bumagsak sa Sinai Peninsula sa Egypt at kumitil ng 224 na pasahero.

Batay sa assessment ng US intelligence community, maaaring may nadalang bagahe na may lamang bomba ang Russian plane.

Maging ang Britanya ay nagpahayag na rin ng paniniwala na bomba ang naging dahilan ng pagbagsak ng Russian plane.

Dahil dito, sinabi ni British Foreign Minister Philip Hammond na pansamantala nilang ipinagbabawal ang paglapag at paglipad ng British planes mula sa Sharm El- Sheikh Airport.

Kasabay ito ng matinding babala ng Britanya sa kanilang mga mamamayan na iwasan muna ang maglakbay sa pamamagitan ng Sharm El-Sheikh Airport.

By Len Aguirre

November 5, 2015 0 comment

INTERNATIONAL NEWS

Nasa 16 katao patay sa gumuhong pabrika sa Pakistan

written by DWIZ 882

Tinatayang 16 katao ang patay sa pagguho ng isang ginagawang pabrika sa Pakistan.

Pinangangambahang nasa 150 manggagawa pa ng naturang pabrika ang na-trap sa mga guho.

Dahil dito, puspusan ang search and rescue operations ng mga otoridad.

Matatandaang masyadong mababa ang safety levels ng mga gusaling itinatayo sa Pakistan.

By Ralph Obina

November 5, 2015 0 comment

NATIONAL NEWS

Lina pinagpapaliwanag sa usapin ng taas singil sa balikbayan box

written by DWIZ 882

Pinagpapaliwanag ng dalawang mambabatas si Customs Commissioner Alberto Lina.

Kaugnay ito sa ipinatupad na taas singil sa mga balikbayan box na aabot sa mahigit 100 porsyento.

Kapwa inihayag nila Bayan Muna Partylist Rep. Neri Colmenares at Quezon City Rep. Winston Castelo, hindi anila makatuwiran ang ginawang hakbang ni Lina gayung may gumugulong pang imbestigasyon hinggil sa mga balikbayan box.

Magugunitang itinaas ng Customs sa P120,000 ang duties para sa isang twenty foot container na naglalaman ng mga balikbayan box nitong Agosto mula sa dating P80,000 lamang.

Kinukuwesyon din ng dalawa ang conflict of interest kay Lina na nagmamay-ari ng isang freight forwarding company.

By Jaymark Dagala

November 5, 2015 0 comment

Newer Posts

Older Posts