Sinibak sa pwesto ang mahigit 200 tauhan ng District Traffic Enforcement Unit.
Ayon kay MPD Dir. P/Brig. Gen. Leo Francisco, pawang mga overstaying sa posisyon ang mga tinanggal sa pwesto.
Ani Francisco, 5 hanggang 11 taon na ang mga itong naka destino at natuklasan pang nagdu-duty lamang kapag rush hour.
Pagkatapos aniya ng rush hour ay hindi na mahagilap ang mga ito at hindi na rin nagsisibalik sa opisina.
Kasabay umano ng pagpapalit ng mga tauhan ng unit, nagtakda rin sila ng panuntunan upang matiyak na wala nang pandarayang mangyayari sa oras ng kanilang duty.
