Binabantayan ng National Bureau of Investigation ang dalawampung vloggers na inaakusahan ng pagpapakalat ng fake news sa social media.
Ayon kay NBI Director Jaime Santiago, mayroon na silang listahan ng mga vlogger at kanilang mga posts online.
Isa aniya sa mga vlogger ay naka-base sa Amerika habang dalawa naman sa mga vlogger ay may kinakaharap nang arrest warrants.
Dagdag pa ni Director Santiago, tinitignan pa nila ang mga posibleng kaso na pwedeng isampa laban sa mga nasabing indibidwal tulad ng cyberlibel at inciting to sedition.
Kaugnay nito, muling ipinaalala ng nbi chief na mayroong limitasyon ang freedom of speech at freedom of expression. —sa panulat ni Alyssa Quevedo
