Dalawampu (20) ang kumpirmadong patay, kabilang ang limang buwang gulang na sanggol makaraang magsalpukan ang isang jeep at isang pampasaherong bus sa bayan ng Agoo sa La Union kaninang alas-3:30 ng madaling araw.
Ayon kay Philippine National Police o PNP Region 1 Director Police Chief Superintendent Romulo Sapitula, pawang mga sakay ng jeep ang nasawi sa banggaan na patungo sana ng Our Lady of Manaoag para dumalo sa misa.
Habang sugatan naman ang 18 mga pasahero ng Partas bus at limang iba pang sakay ng jeep.
Ayon naman kay Agoo Municipal Disaster Risk Reduction and Management Office Head Diosdado Magpili, lumalabas sa inisyal na imbestigasyon na nag-overtake ang jeep kaya nasalpok ng kasalubong nitong bus.
—-
