Hindi na madaraanan ng mga motorista ang 2 u-turn slot sa EDSA, simula ngayong Lunes, ika-23 ng Nobyembre.
Ito’y makaraang isara ng pamunuan ng Metro Manila Development Authority (MMDA) ang u-turn slots sa Oliveros Drive at Balintawak market.
Mababatid na ang mga isinarang U-turn slots ngayong araw, ay ika-5 at ika-6 na isinara sa motorista para mas mapabilis pa ang biyahe ng mga bus na dumaraan sa EDSA busway.
Kasunod nito, humingi ng dispensa ang MMDA sa mga maaapektuhang motorista, at payo nila, humanap na ang mga ito ng ibang madaraanan o alternatibong ruta.
