Patay ang dalawang sundalo ng Turkey habang isa pa ang sugatan sa pag-atake ng ilang radikal na grupo sa probinsiya ng Idlib sa Syria.
Ayon sa Defense Ministry ng Turkey, pinatamaan ng rocket ng hindi pa natutukoy na grupo ang kanilang mga sundalo.
Nangyari ang insidente halos dalawang linggo pa lamang matapos magkasundo ang Turkey at Russia para sa isang ceasefire.
Magugunitang sinusuportahan ng turkey ang mga rebelde sa syria habang kumakampi ang Russia sa Syrian Government Forces.
