Nakapagpaliwanag na ang dalawang babaeng pulis sa Angeles City, Pampanga
Kasunod ito nang pag viral ng litrato ng mga nasabing policewomen kasama ang aktor na si Mark Anthony Fernandez matapos itong mahuli sa checkpoint
Ayon kay PNP Region 3 Director Chief Supt Aaron Aquino hindi naman sinasadya ng isang barangay official na i upload sa social media ang nasabing larawan
Nilinaw ni Aquino na wala namang panuntunan hinggil sa pagpapakuha ng larawan sa mga artista bagamat nakalimutan ng kanilang mga pulis na nahaharap sa kaso ang aktor
Pinagsabihan na aniya nila ang mga nasabing babaeng pulis na una nang umaming fans ni Fernandez
By: Judith Larino