Hinimok ni Commission on Elections (COMELEC) Chairman Andres Bautista ang mga botante na tumutok sa dalawa pang presidential debates na ilalarga nila sa mga susunod na buwan.
Kasunod na rin ito nang pagturing ni Bautista na matagumpay sa unang presidential debate sa Cagayan de Oro City kahapon.
Ayon kay Bautista, ginamitan pa ng makabagong teknolohiya ang unang bugso ng PiliPinas Debates 2016 para mas maganda itong panoorin.
Ang dalawa pang presidential debate ay gagawin sa Cebu City at Dagupan City sa mga susunod na buwan.
KBP
Panalo ng mga botanteng Pilipino ang matagumpay na tagisan ng 5 presidentiables sa kauna-unahang presidential debate sa ilalim ng PiliPinas Debates 2016 sa Cagayan de Oro City kahapon.
Binigyang diin ito ni Herman Basbanio, National Chairman ng KBP o Kapisanan ng mga Brodkaster ng Pilipinas.
Sinabi ni Basbanio na naging maganda ang takbo nang palitan ng argumento ng 5 presidentiables dahil sa makabagong teknolohiya.
By Judith Larino
