Hawak na ngayon ng Commission on Elections (COMELEC) 2nd division ang dalawa pang petisyon laban sa kandidatura ni presidential aspirant Bongbong Marcos.
Isa dito ang nagpapakansela sa certificate of candidacy (COC) ni Marcos at isa pang petisyon ay para ideklara ito bilang nuisance candidate.
Sa kabuuan tatlo nang petisyon ang hawak ng COMELEC 2nd division .
Maliban dito, hawak din ng 2nd division ang unang petisyon na nagpapakansela sa COC ni Marcos.
Samantala, nakatakda naman ang preliminary conference para sa mga naturang petisyon ni Marcos bukas, araw ng Biyernes.
Binubuo nina Commissioner Soccorro Inting at Antonio Co Junior ang COMELEC 2nd Division.
